Mavingu 8:10 - Bhiblia Yo Sawuleka

¹⁰ Amukelani silayelo sangu, i si nga silivhela, ni wuzivi kupinda nzalama yo hehuka yo sawulwa.

Mavingu 8:10 Referans Kwoze

Masalmo 119:127

Ngu toneto, na randa ngutu milayo yako, kupinda nzalama ya yinene ngutu.

Masalmo 119:72

Mlayo wu u nga ni ninga, kwangu wu ni lisima ngutu kupinda tithomba tatingi ta nzalama mwendo ta silivhela.

Mavingu 23:23

Xava wunene, aniko u nga wu xavise; ina, wutxhari, gondo, ni kupimisisa.

Ekleziyaste 7:11

Wutxhari mbunene kufana ni thomba, ka wona va mana txokari avale va wonako ditambo.

Mavingu 10:20

Lidimi la m'thu wo lulama i silivhela yo sawulwa; mbilu ya vaonhi kha yi na mtengo wa txilo.

Mithumo 3:6

Kambe Pedro a to khene kwakwe: “Kha ni nga ni nzalama mwendo silivhela, aniko asi ni ku naso ni na kuninga: Ngu ditina da Jesu Kristu wa Nazareta, khukha u txi tsimbila!”

Mavingu 16:16

I txhuko ngutu kumana wutxhari kupinda kumana nzalama! Kambe i txhuko ngutu kumana mapimo kupinda silivhela.

Masalmo 119:162

Na tsaka ngu sithembiso sako, ku nga wule a manako thomba yayingi.

2 Vakorinto 6:10

Ho nga ho xaniswa, kuve ha tsaka yotshe mbimo. Hi wonwa nga hi sisiwana, kasi hi fumisa votala. Hi wonwa nga kha hi na txilo, kasi hi ni sotshe.

Mavingu 8:19

Mihando yangu yi txhuko kupinda nzalama, ina nzalama yo sefwa; ni si si humako ngu kwangu, si txhuko kupinda silivhela yo sawulwa.

Jobe 28:15

Kha yi na kuningelwa nzalama yo sefwa ngu mhaka ya wutxhari, mwendo kutxitxisa silivhela ngu wutxhari.

Jobe 28:17

Ngu wutxhari kha yi na kuxavwa nzalama hambi kristali; kambe wutxhari kha wu na kutxitxiswa ngu txiningo txa lisima, txa nzalama yo sefwa.

Mavingu 20:15

Ku ni nzalama ni marigwi amangi a lisima; kambe lisima la hombe li ka txisofu txa wuzivi.