Mavingu 7:13 - Bhiblia Yo Sawuleka

¹³ a to tshuketa kwakwe, se e mpswopswa, kambe a to gwatamisa khohe yakwe, a txi khene:

Mavingu 7:13 Referans Kwoze

Genesisi 39:12

Msikati wa Potifari a to ñola Josefa ngu dibhaji dakwe, a txi khene: “Otela ni nani!” Aniko Josefa a to leka dibhaji dakwe manzani ka msikati wa Potifari, e thava a txi huma hahanze.

Mtuletelo 2:20

Aniko nina ni txisolo ni nawe, nguko wa leka Jezabheli, msikati wu a ti mahako mprofeti, awu a gondisako ni kutimeta vakhozeli vangu kuve ve maha wugango, ve dya tinyama ta timhamba ta sikwembu sa walo.

Ezekhiyele 16:33

Otshe mabhoyi ma hakelwa, aniko awe u ninga somaha ka sotshe sigango sako; kambe u mahela ti to va nate ngu ka otshe madhawa, ngu wugelegele wako.

Ezekhiyele 2:6

Kambe awe mwanana wa m'thu, u nga va thave, hambi kuthava timhaka tawe; mwendo va ti maha sitxhotxhota ni mipa kwako, se awe u zumba ni tihume, u nga thave timhaka tawe, hambi kudhukiswa ngu tikhohe tawe, ngu ku i ku nyumba yo kaneta.

Ezekhiyele 2:4

Se vanana mba tikhohe to thuvika, ni timbilu to banga; se ni kuruma ka vona, u na ya va gela ku khawe: Mkoma Txizimu a womba tiya.

Isaya 50:7

Nguko Mkoma Txizimu wa ni vhuna, ngu mhaka yeto kha ni kanganyiseki; ngu mhaka yeto ni khohe yangu ni yi mahile yi txi nga dirigwi, se na tiziva ti to kha ni na mbi wa tinganani.

Mavingu 21:29

M'thu wu i ku muonhi, wa thuvikisa khohe yakwe, kambe awule wo lulama wa tsana nzilani kwakwe.

Mitengo 31:16

Wona taku, ngu vona vava va nga kuzetelwa ngu Bhalahamu, veza ve maha ti to vanana va ka Israyeli, ve onhela Mkoma, mhakani ka Peyori, se kumaneka txiruko hagari ka msengeletano wa Mkoma.

Mitengo 25:1

Se mbimo yile Israyeli a nga zumba Sitime, vathu va to khata kumaha wugango ni vanana vamahorana a Vamowabhi.

Genesisi 39:7

Msana ka totshe tiya, msikati wa Potifari, nyamne wakwe, a to khata kuwonetela Josefa ngu ku mnavela, e m'gela tiya: “Otela ni nani!”

Masalmo 59:3

nguko a va va ni riyelako, va wukela muhefemulo wangu, vathu va mtamo va maha sikungo so ni wukela, ni sa hambunyeta txilo hambi kuve ni mnandu, awe Mkoma.

Mavingu 9:15

kasi kudhana vale va pindako, va txi thwim ngu nzila yawe.