Mavingu 6:6 - Bhiblia Yo Sawuleka

⁶ Tsula u ya wonana ni titshokoti, awe mkara; wona tinzila ta tona, u na txhariha.

Mavingu 6:6 Referans Kwoze

Mavingu 20:4

Mkara kha dima ngu mbimo ya wuxika, ngu kumaha keto, ngu mbimo yo funyela a na kombela, aniko kha na mbi amukela txilo.

Mavingu 18:9

Nene wule a thumisako kuonhetela, mmweyo ni mxakeli.

Mavingu 6:9

Mkarawe, u na otela kala yihi mbimo kani? U na wuka ngu mbimo muni, ngu wukoheni kwako kani?

Vahebheru 6:12

Athu kha hi lavi ku mi txi hinduka mi maha mikara, aniko, londetelani avale va amukelako thomba ya sithembiso ngu likholo ni kutimisela.

Mavingu 13:4

Zumbelo ya mkara ngu kunavela, aniko kha gwitisi kumana txilo, kambe moya wa vale va ti thumelako wa tsaka.

Matewu 25:26

Nyamne wakwe, a txi mu angula, a to khene: ‘Txithumi txa tshofu, txa mkara!’ U ti zivile ta ku ani na elula amuwa ni nga mbi phaya, ni sengeleta amuwa ni nga mbi xwaya.

Mavingu 30:25

Titshokoti lixaka la lisima ngutu; mbimo ya kuhisa ti sengeletela sakudya sa tona;

Varoma 12:11

Khutalani, mi nga telweni ngu dikhodho; turani moyani, mi txi thumela Mkoma.

Mavingu 21:25

Maalakanyo a mkara ma m'daya, nguko manza akwe ma lamba kuthuma.

Mavingu 19:15

Wukara wa maha m'thu e otela wukohe wo tshima, kambe m'thu wo kanganyisa a na fa ngu nzala.

Mavingu 22:13

Mkara a khene: Hahanze ku ni ngonyamo; ni txo huma ni na ya dawa tinzilani.

Mavingu 10:26

Ku nga vhinagre amu ka makwasa, kufana ni wutshi amu ka maso, ngu toneto a ku ngu tona mkara ka vale va mrumako.

Mavingu 19:24

Mkara wa sisa dianza hammidi; e tandeka ni ku di yisa mkanani.

Matewu 6:26

Wonani sinyana sa nzumani: Kha si phayi, kha si eluli, kha si sengeleteli txilo txisangalani, aniko Tate wanu wa nzumani wa si dyisa. Ina anu kha mi nga ni lisima kupinda sona kani?

Mavingu 15:19

Nzila ya mkara, yi fana ni lisanzu la mipa, aniko txinzilana txa vo lulama txi zumbisekile.

Mavingu 1:17

Ngu ditshuri, mlawu wo riyelwa u txi wonwa ngu sinyana, kha wu vhuni txilo.

Isaya 1:3

Homu ya ziva nyamne wa yona, ni mbongola ya wu ziva mkawu wa nyamne wa yona; aniko Israyeli kha zivi txilo, vathu vangu kha va pfisisi txilo.

Mavingu 23:19

Engisa, awe mwanangu, txhariha, mbilu yako yi na tsimbile ngu nzila ya yinene.

Mavingu 30:24

Simaha siya sa mune, nzimweso ka sile sa sidotho ha mafuni, kambe u txi tiziva, si nga ningwa wutxhari kha kwati:

Jeremiya 8:7

Hambi nyawukolwe wa ndengalengani, wa ziva timbimo takwe. Dituva, ni nyawukolwe ni mbeluvelu, sa ziva mbimo yo tshumela ngu yona. Aniko vathu vangu kha va zivi milayo ya Mkoma.

Mavingu 10:4

Awule a thumako ngu manza o kanganyisa wa maha txisiwana, aniko wa nonisa manza a vale va pfisisako.