Mavingu 6:29 - Bhiblia Yo Sawuleka

²⁹ Ti na nga toneto ka wule a wulelako ka msikati wa mwakelani wakwe; ni wihi wule a no m'gwesa kha na mbi pwata mnandu.

Mavingu 6:29 Referans Kwoze

1 Vakorinto 7:1

Sekoko, ka timhaka ti mi nga ni bhalela, ani ni pimisa ti to ndinene ngako m'thu asi teki msikati.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Ezekhiyele 22:11

Mmwani a otete ni msikati wa muakelani wakwe, mmwani a txi otela ni mane wakwe, se mmwani a txi gima ndiyakwe, i ku mwanana wa tate wakwe.

Mavingu 16:5

Ni wihi a ku ni mbilu yo ti kulisa njinyenyeko ka Mkoma; hambi a txo pata dianza ka dianza, kha na mbi huluka kutsayiswa.

2 Samuwele 16:21

Se Ayitofeli a to khene ka Abhisalome: Tsula u ya wulela ka vasikati va tate wako, vale a nga va siya kuve xayisa nyumba, kasiku votshe va ka Israyeli ve ziva taku u henyisile tate wako. Se manza a votshe vale va ku ni nawe ma na tsana.

Levhi 20:10

Nene wamwamna wule a mahako wugango ni msikati wa vane, a txi maha wugango ni msikati wa mwakelani wakwe, wamwamna ni wamsikati, avale va nga maha wugango, ngu ditshuri vona ngu wumbidi wawe va na dawa.

Eksodha 20:17

U nga navele nyumba ya mwakelani wako; u nga navele msikati wa mwakelani wako, ni txithumi txakwe txa wamwamna mwendo txa wamsikati, ni homu yakwe, ni mbongola yakwe, hambi ni tximwani tximaha txa mwakelani wako.”

Levhi 18:20

U nga thuke u otela ni msikati wa mwakelani wako, nguko u nga ti totela manyala kumweko nayo.

Mavingu 6:28

Niku mwendo wokari a nga tsimbila txitimwi ka makala a mndilo, asi mani ni kuhya mikondo yakwe kani?

Ezekhiyele 18:6

asi dyeli mimangoni, kambe asi guleti maso e wonetela sithombe sa nyumba ya ka Israyeli, mwendo kuxenga msikati wa muakelani wakwe, hambi kuyela wamsikati wule a ti veka didhawa;

Ezekhiyele 33:26

Anu mi ti thembisela ngu matxhari anu, mi mahetela ta manyala, se mmweyo ni mmweyo a navela msikati wa muakelani wakwe! Ina mi na lumbwa ngu ditiko diya kani?

Genesisi 20:2

Koneyo, Abrahamu a txi womba ngu msikati wakwe Sara, a txi khene i ndiyakwe, se Abhimeleki mfumeli wa Gerara e ruma kuya teka Sara.

2 Samuwele 11:27

Se ku di pindile txidilo, Dhavhidha a to rumela vo ya mteka eya nyumbani kwakwe; kambe a to mmaha msikati wakwe, ene e m'velekela mwanana wa mfana. Kambe mhaka yi ya Dhavhidha a nga yi maha yi ti bihile masoni ka Mkoma.