Mavingu 6:25 - Bhiblia Yo Sawuleka

²⁵ Ngu mbiluni kwako u nga navele kutshura kwakwe, hambi ku ku ndindetela ngu maso akwe.

Mavingu 6:25 Referans Kwoze

Matewu 5:28

Aniko ani ni khani kwanu: Awule a wonetelako wamsikati ngu ku mu navela, se a mahile nayo wugango mbiluni kwakwe.

2 Vafumeli 9:30

Se Jehu a to ta Jezireyeli, eho mbimo yile a nga tipfa Jezabheli a to ti pendetela madhawani ka maso, e tshurisela msungo wakwe, se e solela ngu difasitela.

Isaya 3:16

Mkoma a to womba kambe a txi khene: Nguko mahorana a Siyoni ma ti kulisa, ma tsimbila ma di emisile tithamo ta ona, ma wonisa kugwilika, ma tsimbilisa ku nga mo sinya, se ma di ambate masinda minengeni.

Ndando ya Tindando 4:9

U ni dute mbilu, ndiyangu, awe txirandwa txangu, u ni thote mbilu ngu maso ako, ngu liketani limwelo li ku thamoni kwako.

Jeremiya 4:30

Konkuwa koko, u na maha txani, awe u nga hasamulwa kani? Hambi u txi ambala txiwunguwungu, u txi ti bombisa ngu wukhetikheti wa nzalama ni kungako u txo penda maso ako ngu Antimoniya, wo ti bombisela walo. Sigango sako sa kunyenya, si lava ku kudaya.

Ezekhiyele 23:40

Kambe va tisile vavamna vokari ngu kule; va nga va rumelela mtumi, se vona va nje kuta; u sambile ngu mhaka ya ku va randa, u pendetete maso ako, u txi ti bombisa ngu so tshurisela.

Dhewuteronome 5:21

U nga navele msikati wa muakelani wako, kambe u nga navele nyumba ya muakelani wako, hambi thembwe yakwe, hambi khumbi yakwe ya wamwamna mwendo ya wamsikati, hambi homu yakwe, ni mbongola yakwe, hambi ni txihi tximaha txi lumbako muakelani wako.”

Jobe 31:1

Ni mahile txitumelelano ni maso angu; ni nga navelisa kutxani muhorana kani?