Mavingu 6:23 - Bhiblia Yo Sawuleka

²³ Nguko txirumo ndilambu, se mlayo liwoningo, kambe kukawuka ko lulamisa i nzila ya wutomi,

Mavingu 6:23 Referans Kwoze

Masalmo 119:105

Dipswi dako i liwoningo la mikondo yangu, dilambu da nzila yangu.

2 Pedro 1:19

Se kambe, hi ngadi ni dipswi do tsana ngutu da vaprofeti, adi mi mahako ta tinene ngu ku di engisa, nga liwoningo li phatimako ha wukhaloni ka txidema, kala mbimo yi ditambo di nota woninga ni nyezi yi yi nota humelela timbiluni kwanu.

Masalmo 19:8

Sirumo sa Mkoma nzo lulama; sa ninga litsako mbiluni. Sirumo sa Mkoma nzo lulama; sa woninga mapimo.

Mavingu 15:31

Awule a engisako milayo yo hanyisa, a na aka m'ti hagari ka titxhari.

Mavingu 4:13

Tsana ka sileleto, kambe u nga si leke; si xayise nguko sona mbutomi wako.

Mavingu 4:4

Se tate a ti ti ni gondisa a txi khene: Mbilu yako yi na vekise mapswi angu; veketa sirumo sangu u na hanya.

Jeremiya 21:8

U na va gela vathu vava, u txi khawe: Mkoma a khene: Wonani, na veka nzila ya wutomi ni nzila ya kufa, masoni kwanu.

Mavingu 29:15

Limhika ni kukawuka sa ninga wutxhari, kambe mfana wo ti mahela takwe ekha, a wisa tingana mwamwakwe.

Mavingu 15:24

Nzila ya wutomi ya guleka ka wule a ku ni mapimo, kasi e hambana ni kuhiswani, ku manekako hahatshi.

Masalmo 141:5

Ngako m'thu wo lulama a txi ni tsayisa, eto ndinene kwangu; ngako a txi ni kawuka, eto ti fana ni mafura o bhumula, kha ma na mbi khukha ha msungo kwangu; nguko ni na simama ni va khongelela ngu mithumo yawe yo biha.

Mtuletelo 2:5

Ngu toneto, alakanya ahawa u nga wela kona, hunduluka u txi teka mahanyelo o khata. U si mahi eto, ni na ku tela se, ngako u si hunduluki ni nata thavisa txipande txako txa dikhanjela ha wukhaloni ka txona.

Isaya 8:20

Amu ka mlayo ni mu ka wufakazi! Ngako va si wombi dipswi diya, kha va na mbi dhuka ve wona wuronga.

Mavingu 3:18

Wutxhari mndonga wa wutomi ka vale va wu ñolisisako, kambe va katekile votshe vale va wu veketako.

Mavingu 5:12

se u txi khawe: Ni nyenyile walo kulaywa! Ni mbilu yangu yi lambile kukawukwa!

Levhi 19:17

U nga vengele wa ka kwanu mbiluni kwako; mkawuke ngako ti txi laveka, u si wi txionhoni ngu mhaka yakwe.

Genesisi 39:8

Kambe Josefa a to lamba, a txi gela wule wamsikati wa kata nyamne wakwe, a txi khene: “Ngako ni diho hawa, nyamne wangu kha vileli txilo ka totshe ti ti mahekako m'tini hawa kwakwe, asi vekile manzani kwangu sotshe asi si mlumbako.

Masalmo 119:130

Txhamuselo ya mapswi ako ya tula maso, ya ninga mapimo ka sisiwana.

Mavingu 10:17

Nzila yo yisa kuhanyani, yi lumba wule a xayisako kukawukwa, aniko awule a lekako kukawukwa wa hoheta.

Ekleziyaste 7:5

I txhuko kuengisa kukawukwa ngu txhari, kupinda kuengisela ndando ya txiphukuphuku.

Ekleziyaste 7:26

Se ani ni to mana mhaka yo pandisa ngutu kupinda kufa: Wamsikati wule mbilu yakwe i ku likoka ni mlawu, awule manza akwe i ku tingoti; awule i ku mnene masoni ka Txizimu, a na huluka kwakwe; aniko muonhi a na bzwetwa ngu ngene.

Ezekhiyele 20:11

Ni va ningile sileleto sangu, ni ku va komba milayo yangu, ngako m'thu a txi si londeta, a na hanya ngu sona.