Mavingu 6:15 - Bhiblia Yo Sawuleka

¹⁵ Ngu kumaha keto, kukhundumuswa kwakwe ku nata ngu txidhukisa; a na funyeletelwa ngu txikavikavi, ku si maneki ni kukalamuka.

Mavingu 6:15 Referans Kwoze

Jeremiya 19:11

u txi khawe: Mkoma wa Mabutho a Tiyimbi a khene: Ni na phwatisa vava vathu ni diya didhoropa, kufana ni kungako ku txi faywa khadi ya muwumbi, ti si kotekiko kutshumela yi tshanganiselwa kambe. Va na tshotshwa Tofeti, ngu kupwata wukhalo wumwani.

2 Makronika 36:16

Kambe vona va to ruketela mitumi ya Txizimu ve eyisa mapswi awe, va tseketsete vaprofeti vakwe, kala kuza kuhenya ka Mkoma kukwela txitimwi ka vathu vakwe, kupwateka ni wammweyo wo huluka.

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Mavingu 1:27

Kuthava kwanu ku txi ta kufana ni mxaseli, ni xomulo yanu yi txi na mi timeta, ku txi ta tximwi kwanu kutxikwa, ni xomulo.

Mavingu 29:1

M'thu wule a ku a txi kawukwa ko tala e ti bangisa msungo, a na phatulwa ngu txikuluveta, asi kalamuki.

Masalmo 50:22

Engisani ta tinene, anu mi divalako Txizimu; kasiku ni si mi phatuleli, ku si maneki ni wammweyo wo mi hulukisa.

Masalmo 55:15

Lifo li na kanganyise valala vangu! Va na relele va txi hanya ditikoni ka vafi, nguko wubihi wu akile timbiluni kwawe.

Mavingu 1:26

se nani ni na mi seka ni ku mi poyilela kutimelani kwanu, na ku txi hoka ati ti no mi maha mi thava.

Mavingu 6:16

Mtxhanu ni tximwetxo si Mkoma asi vengako, ni txa wutxhanu ni simbidi moya wakwe wu txi nyenyako:

Mavingu 14:32

Muonhi a na tshotshwa ngu wubihi wakwe, aniko awule wo lulama kala kufani kwakwe a ni themba.

Mavingu 24:16

Nguko awule wo lulama hambi a txi wa mtxhanu ni kumbidi, ngu magwito a na wuka; aniko vabihi va na ti gumula kubihani.

Mavingu 24:22

Nguko valala, kha va na mbi swela kumwalala, hambi dirumbi dawe, i mani a no swa e di ziva kani?

Ezekhiyele 11:13

Se ku to maheka taku, ni txi ngadi ni profeta, a txi fa Palatiya, mwana Bhenaya; sekoko ni to wa ngu khohe, ni dila ngu dipswi da hombe, ni txi khani: Yowe! Awe Mkoma Txizimu! U lava kuhetisa miboti ya Israyeli kani?