Mavingu 6:14 - Bhiblia Yo Sawuleka

¹⁴ Kuonha kuho mbiluni kwakwe; yotshe mbimo a pimisela wubihi; e tsimbila e phaya mazunga.

Mavingu 6:14 Referans Kwoze

Mika 2:1

Dikhombo ka vale va ku va di otete ve pimisa to hambana, ni kuluka makungo o biha; ve ti maha ngu kugwimba ka wuronga, nguko si mtamoni ka manza awe!

Varoma 16:17

Se na mi kombela ti to mi ti wonela ka va va wusako kuhambana, ni sikhuvekiso, ve tsulupeta gondo yi mi nga gondiswa yona; mi nga pataneni navo.

Hoseya 8:7

Nguko va phayile mimoya, se va na funyela singulu, kha ku na thembwe; fulaho kha yi na mbi veleka mafaka; kambe ngako yi txi veleka mafaka, ona ma na dyiwa ngu vamatiko.

Ezekhiyele 11:2

Se a to ni gela ku khene: Awe mwanana wa m'thu, avava mbathu va va pimisako wubihi, kambe va ningako sileleto so biha ka diya didhoropa,

Isaya 57:20

Aniko vabihi va fana ni linene lo vhiluka, kha li na kumalatwa, ali mati a lona, ma humisako lidhaka ni ndope.

Isaya 32:7

Kambe siya sa wa likungo si bihile; ene a sika makungo o biha, kasi kuonha vale vo thutha, ngu mapswi awalo, hambi ngako txisiwana txi txi womba ditshuri.

Mavingu 22:8

Awule a phayako kubiha, a na elula sixaniso; se ndonga ya kuhenya kwakwe yi na funyelekela.

Mavingu 21:8

Nzila ya m'thu wo biha njo xanisa ngutu, kambe mithumo ya wo sawuleka njinene.

Mavingu 3:29

U nga pimisele to biha ngu mwakelani wako, nguko a zumba ni nawe ngu kuthembeka.

Mavingu 2:14

va tsakiswako ngu kumaha to biha, kambe va hefemula wuonhi wa vobiha,

Masalmo 36:4

Ngako a di otete, a pimisa kumaha kubiha; nzila yi a tsimbilako ngu yona hi nga ya yinene; kha ti lavi kuhambana ni kubiha.

Masalmo 140:2

vo alakanyela kubiha timbiluni kwawe; va tshanganelako kuwusa mazunga.

Mavingu 16:27

M'thu wule i ku diphanga, a xota ta walo, se txisofuni kwakwe ku manekisa ngu nga mndilo wo tura.

Mavingu 17:20

Awule a ku ni mbilu yo biha, kha na mbi dhuka e mana wunene; se ni wule a ku ni lidimi la wuviyaku, a na wa kubihani.

Mavingu 24:8

Awule a ti ningetetelako kumaha to biha, va na m'dhana ku kha vona mkhulumeteli.

Masalmo 140:3

Va lotile tidimi nga minyoka; wuxungu wo nga wa timamba wu hahatshi ka sisofu sawe.

Mavingu 3:32

Nguko muonhi njinyenyeko ka Mkoma, aniko txihunja txakwe txi ni vale vo lulama.

Mavingu 14:22

Ina kha va hoheti avale va mahako to biha kani? Aniko kukateka ni kuthembeka ku na lumba vale va mahako tinene.