Mavingu 6:12 - Bhiblia Yo Sawuleka

¹² M'thu wa wubihi, m'thu wo tolovela kumaha to biha, txisofu txakwe txi tsimbila ngu kuonhetela.

Mavingu 6:12 Referans Kwoze

Matewu 12:34

Lixaka la timamba, mi nga sikotisa kutxani kuwomba ditshuri, na mi di vabihi kani? Nguko txisofu txi womba-womba ti ti nga tala mbiluni.

Mavingu 16:27

M'thu wule i ku diphanga, a xota ta walo, se txisofuni kwakwe ku manekisa ngu nga mndilo wo tura.

Mavingu 4:24

Vayilelisa txisofu txako ka mapswi o xanisa, u tsulisa kule ni nawe wubihi wa txisofuni.

1 Timoti 5:13

Hahanze keto, vavasikati va va nga felwa i di ngadi vaphya, ngako va si thumi txilo, va gonda kurenzelekela ni miti, i si nga ngu mhaka ya wukara dwe, aniko kambe va ti ningetela mu ka siwombawomba sa kulenga vamwani, ve ti maha valanduli va timhaka ta wutomi wa vane, ve womba-womba ngu ti ti si faneliko kuwombwa.

Mithumo 20:30

ni ti to hagari kwanu va na humelela vathu, ava va nota bwabwatela to soholoka, kufela kuva txi ti lavela vagondiswa.

Mavingu 17:4

M'thu wo biha a engisela ta txisofu txo wekela; nyamakuhu a weketela nzeve yakwe ka lidimi lo hinda.

Mavingu 8:13

Kuthava Mkoma ngu venga wubihi; na venga kutikulisa ni mahanyelo o biha, ni nzila ya walo, ni txisofu txo ruketela.

Masalmo 59:7

Sisofu sawe sa maha likwaha; mapswi awe ma fana ni matxhari o hinda; nguko va kha vona: “I mani a hi engisako kani?”

Jakobe 3:6

Se lidimi ni lona i mndilo, nditiko do tala ngu wubihi; lidimi li vekilwe hagari ka sihango sathu, se li nyeta wotshe mmidi, li dhivela mndilo wu wu hisako wutomi wotshe wa vathu, mndilo wu bhatiswako ngu mndilo wa gehena.

Mavingu 11:6

Kululama ka vale vo kateka ku na va txhatxhisa, aniko avale i ku vabihi va na manwa ka wubihi wawe.

Mavingu 6:14

Kuonha kuho mbiluni kwakwe; yotshe mbimo a pimisela wubihi; e tsimbila e phaya mazunga.

Mavingu 2:12

kasi ku kutxhatxhisa ka wubihi, ni ka m'thu wo womba-womba kuhambana;

Masalmo 36:3

Kuwombawomba kwakwe nga kubiha ni makuhu; a lekile ni kuengisa ni kumaha ti i ku ta tinene.

Masalmo 10:7

Txisofu txakwe txi tate ngu kuruketela, ni makuhu ni sipoyilelo; kuwombawombani kwakwe ku ni tshofu ni wubihi.

Masalmo 10:3

M'thu wa kubiha wa ti dhumisa ngu minavelo yakwe; m'thu wa makolo wa ruketela ni kunyenya Mkoma.

Jakobe 1:21

Ngu konaho, thavisani yotshe nzambwa ni wubihi wu wu pindako, mi txi amukela ngu kudikha dipswi di di nga phaywa timbiluni kwanu, adi di nga sikotako ku mi hulukisa.

Jeremiya 24:2

Txirundu tximwetxo txi di ni maxanvu o tshura ngutu, o fana ni maxanvu awa o thangelela kuvitwa; tximwani txirundu txi di ni maxanvu o biha ngutu, ti si kotekiko ku ma txi dyiwa, nguko ma ti bihile ngutu.

1 Samuwele 17:28

Se mbimo yile Eliyabhe, mkomwakwe a nga tipfa, a txi womba ka vavamna vale, a to henyela Dhavhidha, a txi khene: U tete txani hawa kani? Se u ti site ni mani tinvuta tile ta tidotho txiwulani kani? Na kuziva kha kwati kutikulisa kwako, ni wubihi wa mbilu yako, taku u tete ku ta wona kulwa ka yimbi.

Mavingu 10:32

Txisofu txa m'thu wo lulama txa ziva to tsakisa, aniko sisofu sa vo biha, sitate ngu wukanganyisi.

Masalmo 101:3

ni na leka yotshe mithumo yo biha. Na nyenya mithumo ya vabihi; kha ni na mbi tumela kusengela navo.

Mavingu 3:32

Nguko muonhi njinyenyeko ka Mkoma, aniko txihunja txakwe txi ni vale vo lulama.

Mavingu 16:30

A pfhumisa maso akwe e pimisela wubihi, e luma txisofu, e maha kubiha.