Mavingu 5:22 - Bhiblia Yo Sawuleka

²² Kasi muonhi, wubihi wakwe wu na msungelela, kambe ngu tingoti ta sionho sakwe, a na ñolwa.

Mavingu 5:22 Referans Kwoze

Mavingu 11:5

Kululama ka m'thu wa ditshuri ku na lulamisa nzila yakwe, aniko awule wo biha a na wiswa ngu wubihi wakwe.

Mavingu 1:18

Se vona va riyela kutheketa mnoha wawe vapune; ve baramela wutomi wawe vapune.

Masalmo 9:15

Mahedheni ma hujumete ka diphala di ma ngadi kela; litshenga li va nga li riya li va bzwetile mikondo.

Vahebheru 13:4

Mtxhadho wu na dhundwe ngu votshe, se m'bhedhu wa mtekano wu nga nyenyeziswe, nguko Txizimu txi na abanisa ava va mahako wugelegele, ni va va mahako wugango wu wo hoxela mtxhadho.

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Ekleziyaste 7:26

Se ani ni to mana mhaka yo pandisa ngutu kupinda kufa: Wamsikati wule mbilu yakwe i ku likoka ni mlawu, awule manza akwe i ku tingoti; awule i ku mnene masoni ka Txizimu, a na huluka kwakwe; aniko muonhi a na bzwetwa ngu ngene.

Mavingu 11:3

Kuthembeka ka vale vo lulama ku na va tsimbitisa, aniko wuhambunyeti wa sindaka-milayo wu na si haxula.

Mitengo 32:23

se ngako mi si mahisi eto, mi na va mi di onhile masoni ka Mkoma; sionho sanu si na mi tumbulisa, kambe mi na tsayiswa ngu mhaka ya sionho sanu.

Valamuli 20:41

Aniko vavamna va ka Israyeli va to tshembereka, se va ka Bhenjamini va to xamala, ngu kuwona taku dikhombo di va wete.

Masalmo 40:12

Ni randetwe ngu makhombo o tala ngutu; sionho sangu si ni khubhunyetile ni kuwona kha ni woni! Sionho sangu sitate kupinda misisi ya msungo wangu; ngu toneto, mbilu yangu ya rereka.

Sidilo 1:14

Ngu dianza dakwe a sungelete nyanda ya sionho sangu e si sungelela hamakata kwangu, nga dikange; Mkoma a emisile mitamo yangu se a txi ni ningela ka valala vangu; se na tandeka kukhukha ni txi ema.

Valamuli 9:57

Txizimu txi to tshumetela kambe wubihi wotshe txitimwi ka misungo ya vavamna va Sikemi; ni txiruko txa Jothamu, mwana Jorobhahali, txi to wela txitimwi kwawe.

1 Vafumeli 18:18

Se ene a nje khene: Ani kha ni zivi ku nga khulumetela Israyeli, aniko ngawe ni nyumba ya tate wako, ngu ku mi nga leka milayo ya Mkoma mi londisa va ka Bhahali.

Esteri 9:25

Aniko ahale yi nga hoka mhaka ka mfumeli, a to rumela ngu mapapilo ti to txikungo txo biha txa Hamani, txo wukela Vajudha, txi wela ha msungo kwakwe; ngu koneho, va to mtxikita, ene ni vanana vakwe, ha phandeni kumweko.

Jobe 18:8

Nguko a na wuletwa likokani ngu mikondo yakwe yipune. Kambe a na tsimbila ka tingoti to riyelwa.

Masalmo 9:17

Vathu vo biha ni mahedheni, va kanetako Txizimu, magwito awe ngu kuya mndiloni.

Mavingu 11:6

Kululama ka vale vo kateka ku na va txhatxhisa, aniko avale i ku vabihi va na manwa ka wubihi wawe.

Mavingu 12:14

Mmweyo ni mmweyo a khura ngu mihando ya mapswi a txisofu txakwe, kambe m'thu a na amukela asi si thumwako ngu manza akwe.

Mavingu 14:32

Muonhi a na tshotshwa ngu wubihi wakwe, aniko awule wo lulama kala kufani kwakwe a ni themba.

Mavingu 18:7

Txiphukuphuku txi fuviswa ngu txisofu txa txona txi pune, se txisofu txa txona, mlawu ka muhefemulo wa txona.

Mavingu 24:12

Ngako u txi khawe: Kha hi ti zivi; ina awule a xolako timbilu, kha na mbi ti tumbula kani?

Mavingu 26:27

Awule a kelako diphala, a na wela ka dona; hambi wule a rindilitako dirigwi, di na gwitisa ku mtxika.

Obhadhiya 1:15

Nguko ditshiku da Mkoma di hafuhi, txitimwi ka otshe matiko; ku nga ti u nga maha tona, nawe u na mahiswa toneto; wubihi wako wu na wela txitimwi ka msungo wako.