Mavingu 4:7 - Bhiblia Yo Sawuleka

⁷ Wutxhari ngu txona tximaha txo khata; wu mane koko, wutxhari; ina, mana wuzivi ngu sotshe si u ku naso.

Mavingu 4:7 Referans Kwoze

Ekleziyaste 7:12

Nguko wutxhari mtsudi, kufana ni male i ku mtsudi; aniko wunene wa wutxhari ngu ti taku, wa ninga wutomi ka nyamne wa wona.

Mavingu 23:23

Xava wunene, aniko u nga wu xavise; ina, wutxhari, gondo, ni kupimisisa.

Mavingu 16:16

I txhuko ngutu kumana wutxhari kupinda kumana nzalama! Kambe i txhuko ngutu kumana mapimo kupinda silivhela.

Vafilipiya 3:8

Ngu ditshuri, sotshe ni si wona si si vhuni txilo, ngako ni txi si dinganisa ni lisima la kuziva Kristu Jesu, Mkoma wangu. Ngu mhaka yakwe, sotshe ni si tshotshile, kambe ni si wona i di nzambwa, kasiku ni mana Kristu;

Luka 12:20

Aniko Txizimu txi to mu gela txi txi kha txona: ‘Diphuphuluwe, ka wona wusiku wu, moya wako wu na lawa. Se tithomba ti u nga sengeletela, ti na sala ni mani kani?’

Masalmo 119:104

Ngu sileleto sako ni gondile kupima; ngu kota yeto, na nyenya totshe tinzila ta makuhu.

Luka 10:42

aniko njilo tximwetxo dwe txi lavekako. Mariya ngene a nga sawula txi i ku txa txinene ngutu, atxi a no mbi tekelwa ngu m'thu.”

Mavingu 21:6

Kuthumela kusengela thomba ngu lidimi la makuhu, mbukanganyisi, se avale va wekelelako keto va ti xotela lifo.

Ekleziyaste 4:8

Ku ni m'thu mmweyo i ku ekha, kha ku na wa wumbidi; ina, ene kha na mwanana mwendo ndiya; hambi keto, wotshe mthumo wakwe kha wu nga ni magwito, hambi maso akwe kha ma kolwi ngu thomba; kha wombi ku khene: Ni thumela mani ani, ni txi ti tona makatekwa kani? Eto ni tona mbukanganyisi, kambe mthumo wo karata.

Mavingu 4:5

Mana wutxhari, mana mapimo, u nga divale hambi kuhambana ni mapswi a txisofu txangu.

Mavingu 8:23

Kukhukhela ka kaleko ani ni totilwe; kukhukhela kukhatani, na ma si se khatwa mafu.

2 Makronika 1:10

Ni ninge koko, wuzivi ni wutxhari, kasiku ni sikota kuthangela masoni ka vathu vava; nguko i mani a ndi no lamula vathu vako vo talisa tiya kani?

Mavingu 2:4

u txi si xotisa kufana ni silivhela, u si lava kufana ni nzalama yo siswa,