Mavingu 4:4 - Bhiblia Yo Sawuleka

⁴ Se tate a ti ti ni gondisa a txi khene: Mbilu yako yi na vekise mapswi angu; veketa sirumo sangu u na hanya.

Mavingu 4:4 Referans Kwoze

Mavingu 3:1

Mwanangu, u nga divale kulaya kwangu, kambe mbilu yako yi na vekete milayo yangu.

Johani 12:50

Kambe na tiziva ti to mlayo wakwe mbutomi wo mbi guma; se ati ni ti wombako, ni ti womba nga ti Tate a nga ni gelisa tona.”

Mavingu 7:2

Xayisa sirumo sangu u na hanya; ni mlayo wangu, kufana ni ndololwani ya diso dako.

1 Makronika 28:9

Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.

2 Timoti 3:15

Kukhukhela ha wananani kwako, wa yi ziva Mibhalo yo sawuleka, yona yina ni mtamo wa ku kuninga wuzivi, awu wu yisako kuhanyiswani ngu kukholwa ka Kristu Jesu.

Vaefesu 6:4

Nananu vaveleki, mi nga henyiseni vanana vanu, aniko va kuliseni ngu ku va laya ngu sileleto ni tigondo ta Mkoma.”

Dhewuteronome 6:6

Mapswi awa ni ku leletako nyamsi, ma nave mbiluni kwako.

Vahebheru 5:9

Msana ka kuva a di tatisile tifanelo takwe, a mahile txisima txa wutomi wo mbi guma ka votshelele vale va mu engisako.

Isaya 55:3

Riyani tinzeve, ngonani kwangu; engiseni, mihefemulo yanu yi na hanya; nguko ni na maha txitumelelano txo mbi guma ni nanu, ni mi ninga makatekwa o tsana a Dhavhidha.

2 Timoti 1:5

Na khumbula likholo lo mbi kanganyisa li ku kwako, i ku likholo limwelo ni li li nga ti ni kokwani wako Loyidhe ni mame wako Eunise, ali ni thembako ti to li ho kwako nawe.

Mavingu 22:6

Gondisa mwanana nzila yi a no tsimbila ngu yona, hambi a txi kumba, kha na mbi yi leka.

Masalmo 119:11

Ni vekile mbiluni kwangu mahungu ako, kasi ku ni si ku onheli.

Dhewuteronome 4:9

Kambe ti wonele, awe upune, u txi xayisa ngutu moya wako, kasi u si divali tosthe ti maso ako ma nga ti wona, ti si thuki ti huma mbiluni kwako, ni ka dihi ditshiku da kotshe kuhanya kwako. Ti gondise ka vanana vako ni ka vatukulu vako.

Genesisi 18:19

Nguko ani ni msawute kasi ku a txi gondisa vanana vakwe, ni votshe va ka kwawe msana kwakwe, kasiku ve maha kuranda ka Mkoma, ni kumaha kululama ni wunene, se ngu mhaka yeto, ani Mkoma, ni na maha ka Abrahamu ati ni nga mthembisa.”

Masalmo 119:168

Na vekisa sirumo sako ni sileleto sako; awe wa tiziva totshe tinzila tangu!

Mavingu 23:26

Mwanangu, nihe mbilu yako, kambe maso ako ma na wonisise tinzila tangu.

Valamuli 13:12

Sekoko Manowa a to khene: “Ma na tatiseke mapswi ako; se ngu ahi mahanyelo ni mthumo wa mfana wuwa kani?”

Masalmo 119:144

Sileleto sako nzo lulama yotshe mbimo; ni he mapimo ni na hanya.

Mavingu 3:2

Nguko milayo yi na engetela masiku ako, kambe yi na kuengetela malembe a kuhanya ni kuthutha.

Jeremiya 38:20

Jeremiya a to khene: Kha va na mbi kuningela; hi nga engisa dipswi da Mkoma, adi ni ku gelako dona; u na zumbiseka u hanya.