Mavingu 4:23 - Bhiblia Yo Sawuleka

²³ Txitimwi ka sotshe si si dinganako kuxayiswa, xayisa mbilu yako, nguko tita ngu ka yona tinzila ta wutomi.

Mavingu 4:23 Referans Kwoze

Luka 6:45

M'thu wamnene a humisa sa sinene ngu ka txuma txa txinene txa mbilu yakwe. Aniko m'thu wa tshofu, ngu ka txuma txa tshofu ya mbilu yakwe, a humisa so biha, nguko txisofu txa m'thu txi womba-womba ngu tile ti nga tala mbiluni.”

Mavingu 13:3

Awule a veketako txisofu txakwe, a xayisa moya wakwe, aniko m'thu wa siwombawomba wa ti xanisa.

Jeremiya 17:9

Se mbilu mkanganyisi kupinda sotshe silo, yi sinile; i mani a no yi ziva kani?

Matewu 15:19

Nguko mbiluni, ngu kona kuhumako mialakanyo yo biha, kudaya, wugelegele, wugango, wukhamba, kusingeta ni kuruketela.

Mavingu 23:19

Engisa, awe mwanangu, txhariha, mbilu yako yi na tsimbile ngu nzila ya yinene.

Mavingu 28:26

Awule a thembako ta mbilu yakwe apune, hi nga wa txilo, kambe wule a tsimbilako ngu kutxhariha, a na huluka.

Marku 14:38

Wonelelani mi txi khongela, kasi mi si wuleli kudukwani; moya wa ti lava, aniko mmidi wa rereka.”

Dhewuteronome 4:9

Kambe ti wonele, awe upune, u txi xayisa ngutu moya wako, kasi u si divali tosthe ti maso ako ma nga ti wona, ti si thuki ti huma mbiluni kwako, ni ka dihi ditshiku da kotshe kuhanya kwako. Ti gondise ka vanana vako ni ka vatukulu vako.

Vahebheru 12:15

Ti woneleni kha kwati, kasi ku ni wammweyo kwanu asi kelelelwi ngu mathomo a Txizimu. Ku nga ve ni m'thu a milako hagari kwanu nga mkoloti wo bava, awu wu vangako kukarateka ni kunyeta votala.

Mavingu 4:7

Wutxhari ngu txona tximaha txo khata; wu mane koko, wutxhari; ina, mana wuzivi ngu sotshe si u ku naso.

Mavingu 3:21

Mwanangu, atiya ti ngave kule ni maso ako; veketa wutxhari wa wunene, ni kupfisisa;

Mavingu 22:5

Nzilani ka wo biha ku ni mipa ni milawu, awu a xayisako dihika dakwe, asi rethela kule.

Mavingu 11:16

Wamsikati wo tsakisa wa xayisa kudhundeka, kufana ni vale i ku tindena va xayisako tithomba tawe.

Ekleziyaste 5:13

Ku ni wubihi ni nga wu wona hahatshi ka ditambo, wu ndindetelako dikhombo: I ku tithomba tile vanyamne va tona va ti vekelako kusina.

Matewu 15:18

Aniko asi si humako ngu mkanani, si khukhela mbiluni, eso ngu sona si bihisako m'thu.

2 Vafumeli 10:31

Aniko Jehu kha sikota kulondisa ngu mbilu yakwe yotshe Mlayo wa Mkoma, Txizimu txa ka Israyeli, kambe kha nga hambuka amu ka sionho sile Jerobhowamu a nga onhisa ngu sona Israyeli.

Mavingu 16:17

Nzila yo guleka ya vale vo lulama, ngu kuvayilela to biha; awule a veketako nzila yakwe a xayisa muhefemulo wakwe.