Mavingu 4:20 - Bhiblia Yo Sawuleka

²⁰ Mwanangu, pfisisa mapswi angu; ka ditshuri dangu namisa nzeve yako.

Mavingu 4:20 Referans Kwoze

Mavingu 5:1

Mwanangu, pfisisa wutxhari wangu; dingeta nzeve yako ka ditshuri dangu;

Isaya 55:3

Riyani tinzeve, ngonani kwangu; engiseni, mihefemulo yanu yi na hanya; nguko ni na maha txitumelelano txo mbi guma ni nanu, ni mi ninga makatekwa o tsana a Dhavhidha.

Mavingu 7:1

Mwanangu, xayisa mapswi angu, u sisa mndani kwako sirumo sangu.

Masalmo 78:1

Vathu vangu, engisani gondo yangu; engiselani ati ni mi gelako!

Masalmo 90:12

Hi gondise kubala masiku athu, kasiku timbilu tathu ti mana wutxhari.

Matewu 17:5

Ene a di ngadi a txi womba tiya, ku to humelela direfu do woninga, di nga va fenengeta, se direfuni mule ku to pfala dipswi, di di nga womba tiya: “Awuwa i Mwanana wangu wo randeka ngutu, awu ni tsakiswako ngutu ngu ngene. Mu engiseni!”

Mavingu 2:2

kasi ku nzeve yako yi duketa kupfisisa wutxhari, ni kuva u namisa mbilu yako ka mapimo,

Masalmo 34:12

Ngu wuhi m'thu wu asi randiko wutomi kani? Awule asi dhundiko kuhanya ngu mbimo yayingi kani?

Mavingu 22:18

Nguko ndinene kuveka wuzivi mbiluni kwako, ngako wuzivi wuwa wu txi zumba txisofuni kwako.