Mavingu 31:9 - Bhiblia Yo Sawuleka

⁹ Tula txisofu txako, lamula ngu kululama, u lamulela sisiwana ni vale va pwatako somaha.

Mavingu 31:9 Referans Kwoze

Isaya 1:17

Gondani kumaha ta tinene; lavani kululama, vhunani va va xanisekako, mi seketela vo felwa ngu vaveleki, mi lwela tinoni.

Levhi 19:15

Mi nga hambaniseni mhaka kulamulani kwanu; u nga wone khohe ya wule i ku txisiwana, kambe u nga khatalele nyatithombe; u fanete kulamula mkwanu ngu kululama!

Dhewuteronome 1:16

Ka mbimo yoneyo, ni leletete ka vathangeli vanu ni txi khani: Engisani timhaka ta vananu, mi txi lamula ngu kululama mhaka ya m'thu ni mwanawe, mwendo ni mluveli wu a hanyako nayo.

Jeremiya 22:3

“Mkoma a khene: Lamulani ngu fanelo ni kululama, mi txi hulukisa wu a handwako manzani ka mtsindaveti, mi nga xaniseni mluveli, ni txisiwana, ni noni, mi nga va tsindaveteni, hambi kutheketa mnoha wa va va kuwalo mnandu ka wuwa wukhalo.”

Dhaniyeli 4:27

Sekoko awe mfumeli, tumela wudhota wangu, u thavisa sionho sako ngu kumaha kululama, ni wubihi wako, ngu ku mahela wumbilu sisiwana, mwendo kukateka kwako ku ngaya masoni.

Jeremiya 23:5

Se mata masiku, kuwomba Mkoma, aawa ni no wusela ka ona Dhavhidha dikhukhu do lulama. A nava mfumeli wa txitshurwa, a na humelela, ene a na lamula ngu mlayo ni wululamo, ha ditikoni.

Jeremiya 5:28

va enile, va tote mafura. Kubiha kwawe kha ku na magwito. Kha vaemeli ti to sisiwana si na humelele; kha va wili mahungu a sisiwana ngu fanelo.

Isaya 1:23

Vathangeli vako va ni eyisa, va timaha vangana va makhamba; votshe va dhunda kuxavelelwa ni kuhakelwa; kha va mahi wunene ka vo felwa ngu vaveleki, ni timhaka ta tinoni kha ti hoki masoni kwawe.

Mavingu 16:12

Njinyenyeko ka vafumeli kumaha wubihi, nguko txikhalo txa wukoma txi tsaniswa ngu wululamo.

Jobe 29:12

nguko ani ni ti ti txhatxhisa txikulungu, txi nga ti ti dila, ni vale vo felwa ngu vaveleki, ve pwata wa ku va xayisa.

Mtuletelo 19:11

Se ni to wona nzuma yi di tulekile: Ku to woneka dihantxhi do basa, se mgadhi wa dona a ti dhanwa ku: “Wo thembeka” ni “Wa ditshuri.” Wa lamula, a txi lwa ngu kululama.

Johani 7:24

Mi nga lamuleni ngu kuwona khohe dwe, aniko lamulani ngu nzila yo lulama.”

Zakariya 7:9

Mkoma wa Mabutho a Tiyimbi a to womba, a txi khene: Mahani wululamo wa ditshuri, kombisani kudivalela ni wumbilu, mmwani ni mmwani ka mwanawe;

Mavingu 20:8

Mfumeli a txi khalahatsha txituluni ka wulamuli, wa kuluveta kuwona mnandu ha wu ku kona.

2 Samuwele 8:15

Dhavhidha koko, a to fuma dotshe ditiko da Israyeli; e lamula ngu kululama ka votshe vathu vakwe.

Vahebheru 1:9

U randile wululami, u txi venga wubihi; ngu toneto, Txizimu, Txizimu txako, txi ku totile mafura a litsako kupinda votshe vangana vako.”

Isaya 11:4

kambe a na lamula sisiwana ngu kululama, ni timhaka ta vale vo thutha ha mafuni, a na wila ngu kululama, a na peka mafu ngu donga ya txisofu txakwe, e fuvisa vabihi ngu kufuteta ka txisofu txakwe.

Zakariya 9:9

Tsaka ngutu awe muhorana wa Siyoni; kulungela awe Jerusalema; wona taku mfumeli wako a nata kwako, wo lulama kambe Muhanyisi; wa txisiwana, a di gadhile mbongola, txitimwi ka tximbongolana, mwanana wa mbongola.

1 Samuwele 19:4

Sekoko Jonatani a to womba-womba ni tate wakwe Sawule ngu wunene wa Dhavhidha, a txi khene: U nga onhe awe mfumeli ngu kuwukela txithumi txako Dhavhidha, nguko ni txona kha txa kuonhela, nguko mithumo ya txona njinene ngutu kwako.

1 Samuwele 20:32

Sekoko Jonatani a to xamula ka Sawule, tate wakwe, a txi khene: A na dawelwa txani kani? A mahile txani kani?

Mavingu 29:7

M'thu wo lulama wa ziva kuxaniseka ka sisiwana, kambe muonhi kha nga ni mhaka nito.

Masalmo 82:3

Emelani sikulungu ni va vo felwa ngu vaveleki; lamulani ngu kululama ava vo xaniswa ni sisiwana!

Jeremiya 21:12

Anu nyumba ya ka Dhavhidha, Mkoma a khene: Lamulani ngu kululama i di ngadi mixo; mi hulukisa wu a handwako, manzani ka wu a mtsindavetako; kasi ku kuhenya kwangu ku si turi nga mndilo, ku txi hisa ha kaku ku txi pwateka ni wo tima, ngu mhaka ya wubihi wa mithumo yanu.