Mavingu 31:6 - Bhiblia Yo Sawuleka

⁶ Ningani so sela ka vale va lovako, ni vhinya ka vale va si tsakiko dihikani kwawe;

Mavingu 31:6 Referans Kwoze

1 Timoti 5:23

U nga ye masoni ngu kuzumba u txi sela mati dwe, selanyana vhinya ya yidotho, ngu mhaka ya mndani kwako, ni mhaka ya kukhala ngu kulwalalwala.

Masalmo 104:15

Vhinya yi yi va tsakisako timbilu, mafura awa ma va tshurisako tikhohe ni sakudya si si va ningako mtamo.

1 Samuwele 1:10

Ana koko, ngu kupandiseka moyani kwakwe, a to maha mkombelo ka Mkoma, na a txi dila ngutu.

Jobe 29:13

Txikatekiso txa wule a nga ti ti lova, txi ni hokete, se ani ni ti ti tshumela ni tsakisa mbilu ya noni.

Jobe 3:20

Ngu kutxani vaxaniseki va simamako ve hanya kani? Va ningelwa txani liwoningo avale va sisiwana, ni wutomi ka vale va ku xomuloni,

2 Vafumeli 4:27

Se mbimo yile a nga hoka koko ka m'thu wa Txizimu mmangoni, a to ñola mikondo yakwe; aniko Gehazi a to tshuketa kuya mthavisa; kambe m'thu wa Txizimu a to khene: Mleke, nguko dihika dakwe di mu ko pandiseka ngu sixaniso, na kuve Mkoma a ni sisete, kha ni komba mhaka yiya.

1 Samuwele 30:6

Se Dhavhidha a to henya ngutu, nguko vathu va ti ti womba-womba ngu kulava ku m'balisela ngu marigwi, nguko timbilu ta vathu votshe ti ti kuxanisekani, mmwani ni mmwani ngu mhaka ya vanana vakwe va majaha ni vamahorana; hambi keto Dhavhidha a to tsana ka Mkoma, Txizimu txakwe.

Mavingu 31:7

kasiku ve sela, ve divala wusiwana, kambe va si alakanyi ni kuya kuthumani.

Isaya 38:15

Ni na khani txani kani? Ati Txizimu txi nga ni thembisa tona, txi mahile; ni na mahisa toneto ngu kuthutha, ka otshe malembe angu, ngu mhaka ya kupandiseka ka muhefemulo wangu.