Mavingu 30:8 - Bhiblia Yo Sawuleka

⁸ Vayilelisa wukanganyisi kwangu, ni mapswi a makuhu; u nga ni ninge hambi wusiwana mwendo tithomba; ni ninge sakudya sa ku ni enelela.

Mavingu 30:8 Referans Kwoze

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

Luka 11:3

Hi he sakudya sathu sa ditshiku ni ditshiku;

Masalmo 119:37

Vhikela maso angu ti to ma si woni wukanganyisi, se ni wuse ni tsimbila ngu nzila yako.

Masalmo 119:29

Ni hambukise ka tinzila ta makuhu u txi ni vhuna kuhanya ngu mlayo wako.

Jobe 23:12

Ka sileleto sa txisofu txa Txizimu, kha ni zivi ka nga hambuka. Se mapswi a mkanani ka txona ni ma dhundile kupinda si nidyako.

Mavingu 21:6

Kuthumela kusengela thomba ngu lidimi la makuhu, mbukanganyisi, se avale va wekelelako keto va ti xotela lifo.

Matewu 6:11

Hi he nyamsi sakudya sathu sa ditshiku ni ditshiku.

Mavingu 22:8

Awule a phayako kubiha, a na elula sixaniso; se ndonga ya kuhenya kwakwe yi na funyelekela.

2 Vafumeli 25:30

Se sa kuhanya ngu sona, a to ningwa ngu mfumeli, mpimo wa ditshiku, ka ditshiku da wona, ka otshe masiku a kuhanya kwakwe.

Eksodha 16:35

Se vanana va ka Israyeli va dyite manna mndani ka mtengo wa mune wa magumi a malembe kala va txi hoka ka ditiko di di nga akwa va dyite manna kala va txi hoka mihinganoni ka ditiko da Kanana.

Mithumo 14:15

“Vavamna! Mi mahela txani toneto kani? Anathu hi vathu vo fana ni nanu ngu mtumbuluko; mahungu amanene awa hi mi tiselako ona, ngu ti to mi leka mithumo yi ya kukhozela sa walo, mi tshumelela ka Txizimu txi txi hanyako, txi nga maha nzuma ni mafu ni linene, ni sotshe simaha si si ku ka sona.

Isaya 5:18

Dikhombo ka vale va ndindako wubihi ngu dijoke, va ndindako sionho ngu majoke a kutikulisa, o ndinda ngu ona sikotxikani!

Ekleziyaste 1:2

Wukanganyisi wa wukanganyisi! Kuwomba m'gondisi, wukanganyisi wa wukanganyisi! Sotshe mbukanganyisi.

Eksodha 16:18

Kambe mbimo yi va nga pima ngu homeri, hambi awule a nga rolela sasingi a ti si nga naso so pinda vamwani; mmwani ni mmwani a rolete so enela ku a txi dya.

Eksodha 16:15

Ngako va di si woni, vanana va ka Israyeli va wombile hagari kwawe va txi kha vona: “Njitxani txiya kani?” Nguko va si ti zivi ti to i nga va txani. Mosi a ti khene: Asiya nzakudya si Mkoma a mi ningako kuve idi mndiwo wanu.

Jeremiya 52:34

Se maxayisekelo a kona, a to xayiswa kufana ni mfumeli wa Bhabhilona, o lumba ene ka masiku otshe, kala ka ditshiku da kufa kwakwe, ka masiku otshe a kuhanya kwakwe.

Jeremiya 37:21

Sekoko mfumeli Zedhekiya, a to va ruma ti to Jeremiya a txi vekwa dizumboni ka vawoneleli; e ningwa dipawu dimwedo ditshiku ni ditshiku ka digondo da vabhiki va mapawu, ma txi za otshe mapawu me guma didhoropani. Na Jeremiya a ti dizumboni ka vawoneleli.

Mavingu 23:5

Ina u nga dhuka u ronokela sa kuva i si nga sa txilo kani? Nguko eso si na ti mahela tibhapi si purumela nzumani kufana ni digama.

Eksodha 16:29

Pimisani ti to Mkoma a mi ningile Sabbata, ditshiku do humula; ngu mhaka yeto, ka ditshiku da wutxhanu ni dimwedo, wa mi rumela sakudya sa masiku mambidi. Ka ditshiku da wutxhanu ni mambidi, mmwani ni mmwani a na zumbe mu ditendani kwakwe asi humi hahanze ka dona.”

Genesisi 28:20

Sekoko Jakobe a mahile txixambanyo txiya: Ngako Txizimu txi di ni nani, txi txi ni xayisa ka nzila yi ni ku ka yona, ngako txi txi ni ha sakudya sa kudingana, ni simaha sa kuambala;

Johani 2:8

Msana keto, a ti khene kwawe: “Konkuwa, rekani mi txi ya ninga mthangeli wa m'buso.” Se vona ve ma yisa kwakwe.

Isaya 59:4

Ku walo ni wammweyo a pfalisako kululama, hambi ni wammweyo wo maneka kulamulani ka ditshuri; va themba manyala, ni kutsimbila ve womba-womba makuhu; va khura sirumbu sa mithumo, aniko ve veleka wubihi.

Mavingu 30:7

Ni ku kombete silo simbidi; u nga ni tone, ni sanzi kufa:

Mavingu 13:5

M'thu wo lulama wa venga mapswi a makuhu, aniko muonhi wa nyenyeka, kambe wa ti kanganyisa.