Mavingu 30:4 - Bhiblia Yo Sawuleka

⁴ I mani a nga nga kwela nzumani, e gwita e txhika kani? I mani a nga nga fumbareta moya ngu manza kani? I mani a nga nga phutela mati amu ka simaha kani? I mani a nga nga veka mihingano ya mafu kani? I mani ditina dakwe, ni ditina da mwanana wakwe, mwendo wa di ziva kani?

Mavingu 30:4 Referans Kwoze

Johani 3:13

Kha ku na m'thu wu a nga kwela nzumani, hahanze ka wule a nga txhika ngu nzumani, i ku Mwanana wa M'thu.

Jobe 26:8

Txa ñolisa mati amu ka marefu o dhemela, kambe direfu kha di bhandeki hahatshi ka mati.

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Isaya 7:14

Ngu toneto, Mkoma apune, a na mi ninga txikombiso: Wonani taku, wotuma a na mana txirumbu e veleka mwanana wa m'zambi, se ditina dakwe i Emanuweli.

Dhewuteronome 30:12

Wona kha wu nga nzumani, aha koza u txi womba ku khawe: “I mani a no hi tshunda kukwela a txi ya nzumani, kasi ku wu wuyisa kwathu, ti to hi sikota ku wu engisa ni ku wu xayisa, kani?”

Mtuletelo 19:12

Maso akwe dituro da mndilo, ha msungo kwakwe ku na ni mibhoti yayingi, kubhatwe ditina di di si ziwiko ngu mmwani m'thu hahanze kwakwe,

Varoma 10:6

Aniko kululama ku kutako ngu kukholwa, kuwomba tiya: “U nga thuke u txi womba mbiluni kwako, u txi khawe: ‘I mani wu a no kwela nzumani kani?’ (Ti taku: Kasi kuya txhikisa Kristu.)

Dhewuteronome 28:58

Ngako u si khatali ngu kuvekisa otshe mapswi a mlayo wuwa, aawa ma nga bhalwa ka dibhuku diya, ni kuthava ditina diya da wudhumo ni kuthisa, da Mkoma, Txizimu txako,

Isaya 53:8

A thavisilwe ngu kutsindavetwa ni kulamulwa; se i mani a no xawutela ta kuhanya wakwe kani? Nguko a wilisilwe mafuni ka va va hanyako, kambe a manetwe ngu wuhambunyeti wa vathu vangu.

Masalmo 68:18

Awe u kwete txitimwi u tsulisile khumbi wukhumbini, u amukete nduwo ka vathu; hambi ni vaeyisi va khozile kwako, Mkoma!

Masalmo 2:7

Ni na huwelela txileleto txa Mkoma. Ene a ni gete, a txi khene: “Awe u mwanana wangu; nyamsi ni ku velekile.

Eksodha 6:3

Ni humelete ka Abrahamu, ka Isaake ni ka Jakobe ni di Txizimu txa Mtamo-Wotshe; aniko ngu ditina dangu, ani Mkoma, kha na ti zivekisa ngu dona.

Valamuli 13:18

Se Ngelozi ya Mkoma yi to mxamula ku kha yona: “Ngu kutxani u wotisako ditina dangu, na kuve da yila ku di womba kani?”

Luka 10:22

Sotshe ni ningilwe ngu Tate; se kha nga ho wu a zivako ku Mwanana i mani hahanze ka Tate ekha, ni ku Tate i mani, hahanze ka Mwanana ekha, ni wule ene Mwanana a lavako ku mu wonekisa kwakwe.”

Matewu 11:27

Sotshe simaha ni ningilwe ngu Tate wangu; se kuwalo m'thu wu a zivako Mwanana, hahanze ka Tate; ngu toneto, kuwalo m'thu wu a zivako Tate, hahanze ka Mwanana ni wule ene Mwanana a ti lavako ku mu tulela.

Jeremiya 23:6

Judha a na hanyiswa ka masikuyo akwe, ni Israyeli a na zumba ngu kuthutha. Ndide ditina dakwe di a no dhanwa ngu dona: “Mkoma ngene kululama kwangu.”

Masalmo 24:2

Ngene a nga va nga mafu txitimwi ka linene, ngene a nga ma maha txitimwi ka minambo.

Masalmo 22:27

Vathu va yotshe mifumo va na alakanya Mkoma; ngu ka otshe madhawa a ditiko va na wuya kwakwe. Totshe tihunzu ti na mkhozela.

Genesisi 32:29

Jakobe a muwotisile, a txi khene: “Na ku kombela ni gele ditina dako.” Aniko ene a to mxamula, a txi khene: “Ngu kutxani u txi ni wotisa ditina dangu kani?” Se a to mkatekisa kona hale.

Eksodha 15:10

U futetile ngu moya wako, se linene li va mitile; va bhekile nga simbi, va txi ya hahatshi ka mati.

Masalmo 135:7

Ene wa wuyisa marefu a diphuho ngu magemeta-mitshi ka mafu; wa humisa singwalangwanda, wa wisa mati a nzuma wa tulela maphuho me huma ngu ku khotelwani ka ona.

Isaya 45:18

Nguko Mkoma a womba tiya, awule a nga maha tinzuma, Txizimu txi txi nga wumba mafu txi ma vanga; txona txi ma tsanisile, kha txa ma maha diphanga, aniko txi ma vangile kasi ku vathu ve zumba ka ona: Ani ngani Mkoma, kha ku na mmwani.

Jobe 11:7

Ina u na manela tinzila ta Txizimu, uza u hokela kuhetelelani ka wa Mtamo-wotshe kani?

Jobe 11:8

Wutxhari wa Txizimu wu gulekile kufana ni kudemba ka nzuma; se awe u nga kota txani ku txi maha kani? Wuziviwo wu tshimile ngutu kupinda kuhokoma ka mndiloni; awe u ziva ta txani kani?