Mavingu 30:33 - Bhiblia Yo Sawuleka

³³ Nguko ku txi sengwa masi ka maneka dithoma, se ku txi kamwa thonvu, kuhuma mnoha, se ku txi wuswa kuhenya kuhumisa dizunga.

Mavingu 30:33 Referans Kwoze

Mavingu 29:22

M'thu wa txihenyisani, wa wusa mazunga; se awule wa txiviti wa engetela sihambunyeto.

Mavingu 28:25

Awule wo tolovela kutiguleta wa wusa mazunga, kambe awule a thembako ka Mkoma, eyo a na tsaka.

Mavingu 17:14

Kukhata ka dizunga, kufana ni kuthekelela ka mati na ma di tatile mnambo; tiwuka na ku si se hoka kulwa.

Mavingu 26:21

Nga makala txitimwi ka makala a mndilo, ni tikhuni ha ka mndilo, ngu toneto m'thu wa txiluse wa wusa mazunga.

Mavingu 16:28

M'thu wa wubihi a wusa mazunga, se awule wo hemba a hambanisa vale va ku ni wungana ngutu.

Mavingu 15:18

M'thu wa txihenyisani wa wusa mazunga, aniko wule wo timisela wa malata kulwa.

Genesisi 18:8

Se Abrahamu a to teka kambe mafura, ni masi, ni nyama ya dirole. Ayi yi nga lulamiswa, eya si veka hafuhi kwawe, mtsudini mule ka mndonga, ene e zumba a di emile, na vona va txi dya.

Mavingu 10:12

Livengo li kujetela mazunga, aniko lirando la fenengeta sotshe sihambunyeto.

Mavingu 31:1

Mapswi a mfumeli Lemuweli, i ku txiprofeto txi a nga gelwa ngu mwamwakwe.