Mavingu 30:22 - Bhiblia Yo Sawuleka

²² I ku txithumi mbimo yile txi ku ta fuma; ni txiphukuphuku ngako txi txi khura ngu sakudya;

Mavingu 30:22 Referans Kwoze

Mavingu 19:10

Ka txiphukuphuku kha kulaveki kuzumbiseka; ngutu-ngutu ka txithumi kuva txi fuma ka vathangeli!

Ekleziyaste 10:7

Ni woni tikhumbi ti di gadhile mahantxhi, ni vathangeli va nga ti ti tsimbila ngu mikondo, kufana ni tikhumbi ha mafuni.

Mavingu 28:3

Txisiwana txile txi tsindavetako sisiwana, txi fanana ni mati a ndambi, ma si siyiko fulaho ni ya yimweyo.

1 Samuwele 30:16

Se a to relela e mu heleketa. Kambe va to ya va mana va di hangalakile ka otshe madhawa a ditiko, va txidya, ni kusela, ni kusinya, ngu mhaka ya sotshe sile va nga handa ditikoni ka Vafilista ni ditikoni ka va ka Judha.

1 Samuwele 25:25

Nyamne wangu, u nga thuke u karateka ngu mhaka ya wamwamna wuwa wo biha, i ku Nabhali, wa mbilu yo nemela, nga tile ditina dakwe di wombako. Ditina dakwe i Nabhali, ni wuphukuphuku wu ni nene, kambe ani txithumi txako kha na va wona vafana va nyamne wangu, avale u nga va rumela.

1 Samuwele 25:3

Ditina da wamwamna wuwa i ti ti Nabhali, se ditina da msikati wakwe i ti Abhigayeli; wamsikati wuwa i ti m'thu wo ziva ngutu ni kutshura, kambe mwamna wa kona i ti ti m'thu wo karata wa mithumo yo biha; wa nyumba ya ka Kalebhi.

Mavingu 30:21

Ngu silo siraru ma zinginika mafu, ni txa wumune txi sikotiko ku ma tsanisa:

Mavingu 30:23

ngu wamsikati wo vengelwa mbimo yi a txhadhako; hambi txithumi mbimo yi txi dyako thomba ya nyamne wa txona.

1 Samuwele 25:2

Kona Mawomi, ku ti ti ni wamwamna wokari, a nga ti ni tithomba takwe kona Karmeli; se wamwamna wuwa a ti ni mtamo ngutu, a ti ni 3.000 wa tinvuta ni 1.000 wa tiphongo, kambe a ti ti tsemeta tinvuta takwe kona Karmeli.