Mavingu 30:17 - Bhiblia Yo Sawuleka

¹⁷ Maso ale ma poyilelako tate mwendo kutxhipisa ngu kwa mbi engisa mame, ma na xokolelwa ngu magwana a txinambwanani, se me dyiwa ngu sisondo sa digama.

Mavingu 30:17 Referans Kwoze

Mavingu 23:22

Engisa tate wako wule a nga kuveleka, kambe u nga txhipise mwamwako mbimo yile a no kumba.

Mavingu 30:11

Ku ni liveleko li rukako tate wa lona, kambe li si dhundiko mwamwa lona.

Levhi 20:9

Awule a vengelako tate wakwe mwendo mame wakwe, ngu ditshuri a na tsayiswa ngu kufa. Nguko a nyenya tate wakwe mwendo mame wakwe, se a fanete kudawa; mnoha wakwe wu na wela txitimwi kwakwe.

Mavingu 20:20

Awule a rukako tate wakwe mwendo mwamwakwe, a na timekelwa ngu dilambu dakwe, se a na zumba ka txidema txa hombe.

2 Samuwele 21:10

Sekoko Risipa, mwana Ayiya a to teka nguwo yo khwaxa, e yi anjala txitimwi ka dirigwi, kukhukhela kukhatani ka kuelula kala ku mati a nzumani me khata ku vanela, kha leka sinyana sa nzumani si tshuketa hafuhi kwakwe ni mitshikari, hambi sihari sa txitinga ni wusiku.

1 Samuwele 17:44

A to khene kambe Mufilista ka Dhavhidha: Ngono kwangu! Ni na ningela nyama yako ka sinyana sa nzumani ni ka sihari sa txitinga.

Dhewuteronome 28:26

txirumbi txako txi na va i di sakudya ka sinyana sa nzuma, ni sa sihari sa mafu; eho kha ku na mbi va ni wammweyo wa ku si dinda.

Mavingu 15:20

Mwanana wo txhariha a tsakisa tate wakwe, aniko m'thu wo mbi engisa mlayo a eyisa mwamwakwe.

Mavingu 30:18

Ku ni simaha siraru si ni xamalisako, ni txa wumune ni si txi ziviko:

Malakiya 1:6

Mwanana wa mfana a na thava tate wakwe, ni txithumi txi na thava nyamne wa txona; se, ngako ani ni di tate, txi hayi txithavo kwangu kani? Ngako ani ni di Mkoma, ku hani kuthavwa kwangu kani? Kuwomba Mkoma wa Mabutho a Tiyimbi kwanu, anu vaphaxeli, mi txhipisako ditina dangu, mi txi khanu: Hi di txhipisisa kutxani ditina dako kani?