Mavingu 30:14 - Bhiblia Yo Sawuleka

¹⁴ Ku ni liveleko lile makwasa a lona i ku matxhari, na kuve sisofu sa kona ndimesa, kasi ku li lovisa vathu vo xaniseka, ni sisiwana, ha mafuni.

Mavingu 30:14 Referans Kwoze

Masalmo 57:4

Moya wangu wu randetwe ngu tingonyamo, ti ti dyako vathu; makwasa a tona ma fana ni siholoma ni miseve se lidimi la tona li fana ni matxhari o lotwa.

Masalmo 3:7

Ngono, Mkoma, Txizimu txangu, u ta ni hulukisa, awe u pekako valala vangu mathamani awe u khunulako makwasa a va vakubiha.

Masalmo 14:4

Vamahi vakubiha votshe, ina kha va nga ni wuzivi, eko va kakatxulako vathu vangu, nga wule a dyako dipawu, na va si khumbuki kukhozela Mkoma kani?

Jobe 29:17

kambe ni ti ti phatula titshaya ta vabihi, ni va kambisa sile va nga ti si lumile ngu makwasa.

Mtuletelo 9:8

Yi ti ni misisi yo nga misisi ya vavasikati, ni makwasa o nga a ngonyamo.

Amosi 8:4

Engisani tiya, anu mi navelako kuxanisa vo pwata, mi hoxota sisiwana sa ha mafuni,

Ekleziyaste 4:1

Msana keto, ni to engeta ni wona sotshe sixaniso si si mahekako hahatshi ka ditambo; se ni to wona mirongo ya vale va xaniswako, ni ya vale va pwatako mthaveleli; kambe mtamo wu ti ti ka didhawa da vaxanisi vawe; aniko vona va si nga ni mthaveleli ni wammweyo.

Masalmo 58:6

Awe Txizimu, va kunulele makwasa mkanani kwawe, Mkoma, dula titshaya ta singonyamoana.

Masalmo 12:5

Mkoma a khene: “Ngu mhaka ya kuxaniseka ka sisiwana ni miketo ya vale va si pwatako ni na khukha ni txi ema, kha Mkoma, ni na va veka kuhulukani avale va vilelako.”

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Zefaniya 3:3

Vathangeli va dona ndingonyamo ti bhongako hagari ka dona; valamuli va dona maxolwa a mbimo ya minova, ma si siyiko marambu a kutadya mangwana.

Habhakuki 3:14

Awe u tute msungo wa mthangeli wa yimbi ngu mitxheketelo yako; vona va ni wukete nga txihuhuri ku ta ni hangalasa; va ti ti giyela ku nga va txo lava kumita txisiwana ku sisakalani.

Amosi 4:1

Engisani mapswi awa anu vavasikati va Bhasani, mi ku mi mangoni ka Samariya, anu mi xanisaka sisiwana, mi khinyavezako vo pwata, migelako vanyamne vanu mi txi khanu: Wuyisani kheno hi sela.

Amosi 2:7

Va tsaka ngutu ngu kukandetela sisiwana hahatshi, va gombonyekisa tindzila ta va vo lulama; dijaha ni tate va wulelete dihorana dimwedo, kuve nyamisa ditina dangu.

Isaya 32:7

Kambe siya sa wa likungo si bihile; ene a sika makungo o biha, kasi kuonha vale vo thutha, ngu mapswi awalo, hambi ngako txisiwana txi txi womba ditshuri.

Mavingu 28:3

Txisiwana txile txi tsindavetako sisiwana, txi fanana ni mati a ndambi, ma si siyiko fulaho ni ya yimweyo.

Mavingu 22:16

Awule a khinyavezako txisiwana ngu kulava kutikulisa apune, mwendo wule a ningako nyatithombe, ngu ditshuri a na maha txisiwana.

Mavingu 12:18

Vaho vokari mapswi awe ma ku nga tsoka ya ditxhari, aniko mawombawombelo a txhari mbutomi.

Masalmo 52:2

U pimisa kumaha to biha dwe ka vamwani; lidimi lako li fana ni txigatxani txo hinda, li sika makuhu.

Masalmo 124:6

A na dhumiswe Mkoma, a nga mbi hi leka hi wela manzani ka valala hi sotelwa ngu makwasa awe.

Mavingu 30:15

Mtshundwa wu ni vanana vambidi va ku kha vona: Ni ninge, ni ninge. Simaha si sasiraru kha si dhuki si khura; ni mune si si dhukiko si txi kha sona: Ti dingani:

Isaya 3:14

Mkoma a thethisa madhota a vathu vakwe kumweko ni vathangeli vawe; nganu mi nga onha thembwe yiya ya m'vhinya; asi mi nga honyola ka sisiwana si maneka tinyumbani kwanu.

Jobe 41:14

I mani waku a nga tula titshaya ta ngwenya kani? Nguko madhawani ka makwasa a yona ka thisa.

Masalmo 57:5

Awe Txizimu, kombisa wuhombe wako nzumani wudhumo wako wu na fenengete dotshe ditiko!

Isaya 3:15

Ngu kutxani mi xanisa vathu vangu, ni kutshinda tikhohe ta sisiwana kani? Kuwomba Mkoma, Txizimu txa Mabutho a Tiyimbi.

Isaya 10:2

Kasi kuonha mhaka ya sisiwana, ve pela sisiwana sa ditiko dangu, kasi kuhanda tinoni, ni kupela vale vo felwa ngu vaveleki.

Ezekhiyele 22:6

Wona taku vathangeli va ka Israyeli, mmweyo ni mmweyo madingano ni mtamo wakwe, va ku khozisile, kasi kutheketa mnoha.

Ezekhiyele 34:3

Madya mafura, mi ti ambeka ngu matoya, ni kudaya tile to nona; aniko kha mi dyisi tinvuta.