Mavingu 30:13 - Bhiblia Yo Sawuleka

¹³ Ku ni liveleko lo ti wona li ti gulekile, ni timboni ta kona ti kombako txitimwi.

Mavingu 30:13 Referans Kwoze

Mavingu 6:17

Maso o ti guleta, lidimi la makuhu, manza o theketa mnoha wo mbi na mnandu,

Isaya 2:11

Maso a vathu vo ti kulisa ma na pfhupeliswa, ni kutikulisa ka vavamna ku na vekwa hahatshi, Mkoma ngene dwe a no dhumiswa ka ditshiku donado.

Masalmo 131:1

Mkoma, mbilu yangu kha yi ti kulisi ni maso angu kha ma ti guleti; se kha ni nga ni timbiti ni silo si i ku sa hombe, kha ni naveli asile si ku txitimwi ka mtamo wangu.

Masalmo 101:5

Awu a lengako ni kusingeta mmwani m'thu, ni na mfuvisa ngu nyahele; kha ni na mbi timisela wa kutiguleta ni kutikukumukisa!

Habhakuki 2:4

Wona taku, muhefemulo wakwe wa kukumuka, kha wu thuthi mndani kwakwe; aniko mlulami a na hanya ngu likholo lakwe.

Ezekhiyele 28:9

Kambe u na khawe masoni ka wule a no kudaya: Ani ni Txizimu kani? Kuve awe u m'thu, khu nga Txizimu, manzani ka wule a ku dayako.

Isaya 3:16

Mkoma a to womba kambe a txi khene: Nguko mahorana a Siyoni ma ti kulisa, ma tsimbila ma di emisile tithamo ta ona, ma wonisa kugwilika, ma tsimbilisa ku nga mo sinya, se ma di ambate masinda minengeni.

Mavingu 21:4

Kuwona ko tikulisa, ni mbilu yo ti guleta, njionho txa wo biha.

Isaya 5:15

Sekoko tinganakana ti na xowoka, ni va va ti guletako, va na wa. Ni maso a vale va ti guletako, ma na wiswa tingana.