Mavingu 30:11 - Bhiblia Yo Sawuleka

¹¹ Ku ni liveleko li rukako tate wa lona, kambe li si dhundiko mwamwa lona.

Mavingu 30:11 Referans Kwoze

Mavingu 20:20

Awule a rukako tate wakwe mwendo mwamwakwe, a na timekelwa ngu dilambu dakwe, se a na zumba ka txidema txa hombe.

Mavingu 30:17

Maso ale ma poyilelako tate mwendo kutxhipisa ngu kwa mbi engisa mame, ma na xokolelwa ngu magwana a txinambwanani, se me dyiwa ngu sisondo sa digama.

Dhewuteronome 27:16

“Dikhombo di nave ka wule a vengako tate wakwe ni mame wakwe!” Vathu votshe va na womba va txi kha vona: “Amen!”

Eksodha 21:17

Awule a ruketelako tate wakwe mwendo mame wakwe, a na dawa.

Levhi 20:9

Awule a vengelako tate wakwe mwendo mame wakwe, ngu ditshuri a na tsayiswa ngu kufa. Nguko a nyenya tate wakwe mwendo mame wakwe, se a fanete kudawa; mnoha wakwe wu na wela txitimwi kwakwe.

1 Timoti 5:8

Awu asi khataleliko maxaka akwe, ngutu-ngutu ava i ku va mwaya wakwe, eyo a kanetile likholo, a bihile ngutu kupinda dihedheni.

1 Timoti 5:4

Nguko, ngako msikati wa noni a di ni vanana mwendo vatukulu, ti lumba vona kuthanga ve komba txithavo ka vaveleki vawe, ni ku va tshumetela asi va nga si amukela kwawe. Atiya ngu tona ti tsakisako masoni ka Txizimu.

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

Matewu 3:7

Mbimo yi a nga wona Vafarisi ni Vasadhusi va txi lava ku ta bhabhatiswa ngu ngene, a txi khene kwawe: “Lixaka la timamba i mani a nga mi laya, ti to mi thava txiviti txi txi tako kani?

Malakiya 1:6

Mwanana wa mfana a na thava tate wakwe, ni txithumi txi na thava nyamne wa txona; se, ngako ani ni di tate, txi hayi txithavo kwangu kani? Ngako ani ni di Mkoma, ku hani kuthavwa kwangu kani? Kuwomba Mkoma wa Mabutho a Tiyimbi kwanu, anu vaphaxeli, mi txhipisako ditina dangu, mi txi khanu: Hi di txhipisisa kutxani ditina dako kani?

Mavingu 23:22

Engisa tate wako wule a nga kuveleka, kambe u nga txhipise mwamwako mbimo yile a no kumba.