Mavingu 3:9 - Bhiblia Yo Sawuleka

⁹ Dhunda Mkoma ngu thomba yako, ni sotshe so khata sa mu ka dibhindu dako;

Mavingu 3:9 Referans Kwoze

1 Vakorinto 16:2

Ngu ditshiku do khata ka divhiki, mmweyo ni mmweyo kwanu, m'tini kwakwe, a na phawuse e veka ngu phuho asi a nga sikota kusiyeta, kasiku mi si rinzeli kuta senga ni di bwakile.

Eksodha 23:19

Matiwula, mihando yo khata ya mafu, u na yi tisa Nyumbani ka Mkoma, Txizimu txako; u nga bhike txihongwana ngu masi a mame wa txona.

Mavingu 14:31

Awule a xanisako txisiwana a ruka wule a nga txi vanga, aniko awule a xanisekelako txisiwana wa m'guleta.

Eksodha 22:29

U nga swele ni sile u nga khata kuelula, ni vhinya ya kona; u na ni ninga matiwula a vanana vako.

Eksodha 34:26

U na tisa mihando yo khata ya thembweni kwako Nyumbani ka Mkoma, Txizimu txako. Khu na mbi bhika nyama ya phongo ngu masi a mame wa yona.

Genesisi 28:22

ni dirigwi diya ni ngadi emisa di txi maha txialakanyiso, di na va i di Nyumba ya Txizimu, sotshe si u no ni ninga, ni na ku humisela sa wugumi ka sona.

2 Makronika 31:21

Ka wotshe mthumo wu a nga wu khata wa Nyumba ya Txizimu, ni wa mlayo, wa sileleto, kasi ku a txi lava Txizimu txakwe ngu mbilu yakwe yotshe, a to kateka.

Masalmo 144:13

kasi ku sizenda sathu si tala ngu sotshe so elulwa; kasi ku mitxhambi yathu yi na velekela ngu magumi a mazana, ni magumi a magumi a mazana, amu ka mabhudhula kwathu.

Mavingu 11:25

Moya wa wuha wu na ena, ni wule a theletelako mati, nene a na theletelwa.

Isaya 43:23

Khwa ni tisela sifuyo sa sidotho sa miningelo ya kuhiswa, mwendo ku ni dhunda ngu miphaxo yako; kha na kunemetisela ngu miningelo, hambi ku ku rera ngu dibaselo.

Eksodha 23:16

ni M'buso wa kuelulwa ka mihando yo khata yi u nga ti thumela, yi u no va u di phayile thembweni. Ni M'buso wa kuguma ka dilembe, mbimo yile u nova u di yi elute thembweni kwako.

Levhi 19:25

Se ka dilembe da wutxhanu, mi na va mi txi dya mihando ya kona, kasiku mindonga yi txi veleka mihando yayingi, ani ngani Mkoma, Txizimu txanu.

Mitengo 15:20

Ka sile so khata kuelulwa, mi na ningela txibhubhutela txo ndiwitelwa; kumweko ni mningelo wa wuhuleloni, mi na ningela tona eto.

Dhewuteronome 14:29

Sekoko a nata Mlevhi (nguko kha nga ni txyavelo hambi thomba kufana ni nawe), ni wa matiko, ni wo felwa ngu vaveleki, ni noni, va kuho mndani ka sike sako, se va na dya, va txi khura, kasi ku Mkoma, Txizimu txako, a na kukatekisa, ka yotshe mithumo ya manza ako, ayile u no yi maha.

2 Makronika 31:10

Se Azariya mphaxeli wa hombe wa nyumba ya Zadhoki a to mu gela a txi khene: Kukhukhela mbimo ayi va nga khata ngu yona kuningela mningelo Nyumbani ka Mkoma, hi dyite, hi khura si tshumela si sala sakudya sasingi, nguko Mkoma a katekisile vathu vakwe, se ngu mamahelo eyo ku to sala sakudya sasingi ngutu.

Matewu 25:17

Nga toneto kambe, awule a nga amukela timbidi, a bhindute e mana timwani ta timbidi.