Mavingu 3:7 - Bhiblia Yo Sawuleka

⁷ U nga ti wone u di txharihile upune; thava Mkoma, kambe hambana ni kubiha.

Mavingu 3:7 Referans Kwoze

Jobe 28:28

Aniko txi to kha txona ka m'thu: Wona taku txithavo ka Mkoma, ngu txona i ku wutxhari, se ni kuhambana ni wubihi, ngu kona i ku wuzivi.

Varoma 12:16

Zumbani ngu kuengisana; mi nga naveleni sa kuguleka; kambe sengelani ni va va ti vekako hahatshi; mi nga laveni ku ti maha titxhari mialakanyoni kwanu.

Mavingu 26:12

Ina u ti nga wona m'thu wo ti wona apune taku a txharihile kani? I txhuko txiphukuphuku kupinda eyo m'thu.

Jobe 1:1

Ku ti ti ni wamwamna wokari ditikoni ka Uzi, ditina dakwe i ti ti Jobe; ene i ti wamwamna wa ditshuri, wo lulama, ni txithavo ka Txizimu; ni kuvayilela wubihi.

Mavingu 16:6

Wubihi wu thaviswa ngu wumbilu ni ditshuri; kuthava Mkoma, ka hulukisa vathu kubihani.

Ekleziyaste 12:13

Ka totshe ti u nga tipfa, magwito a tona ngu awa: Thava Txizimu, u xayisa milayo ya txona; nguko ayiya ngu yona fanelo ya votshe vathu.

Isaya 5:21

Dikhombo ka vale va alakanyako to va txharihile, ni kutithemba kupinda mpimo.

Mavingu 14:27

Kuthava Mkoma njisima txa wutomi, kasi kuvhikela vathu ka milawu ya lifo.

Varoma 11:25

Nguko, vanathu, kha ni ti dhundi ti to mi timelelwa ngu msisalo wuwa, kasiku mi si thuki mi txi alakanya ti to mi txharihile: Va ka Israyeli vokari va bangisilwe timbilu, kala kuza ve wulela votshe vamatiko;

Nehemiya 5:15

Aniko vafumeli vo khata, avale va nga fuma masoni kwangu, va ti ti nemelisela vathu, va txi va tekela sakudya ni vhinya, hahanze ka mune wa magumi a maxekele a silivhela; hambi vafana vawe va ti ti xanisa vathu; aniko ani kha na maha eto, ngu mhaka yo thava Txizimu.

Eksodha 20:20

Se Mosi a to khene ka vathu: “Mi nga thaveni. Mkoma a to ta kasi ku ta mi duka, masoni kwanu, kasiku mi txi hambana ni txionho.”

2 Samuwele 12:20

Sekoko Dhavhidha a to wuka ngu hahatshi, e samba, e tola mafura, e txhitxha syambalo, e wulela Nyumbani ka Mkoma eya khozela; sekoko a to tshumelela nyumbani kwakwe eya kombela sakudya, ve m'vekela sakudya e dya.

Mavingu 8:13

Kuthava Mkoma ngu venga wubihi; na venga kutikulisa ni mahanyelo o biha, ni nzila ya walo, ni txisofu txo ruketela.

Mavingu 14:16

Txhari ya thava yi vayilela to biha, aniko txiphukuphuku txa henya txi ti maha txo tsana.

Mavingu 23:4

U nga ti karatele kuva nyatithombe; ninga wukhalo wo khata wutxhari wako.

Mavingu 26:5

Xamula txiphukuphuku ngu nzila yo txi komba wuphukuphuku wa txona, kasiku txi si ti woni txi di txharihile.

Mavingu 28:11

Nyatithombe a ti wona a di txharihile apune; aniko txisiwana txile txo txhariha, txi na mtumbula.

Mavingu 28:26

Awule a thembako ta mbilu yakwe apune, hi nga wa txilo, kambe wule a tsimbilako ngu kutxhariha, a na huluka.