Mavingu 3:33 - Bhiblia Yo Sawuleka

³³ Txiruko txa Mkoma txi zumba nyumbani ka muonhi, aniko ene a na katekisa aha a zumbako kona m'thu wo lulama.

Mavingu 3:33 Referans Kwoze

Masalmo 37:22

Avale Mkoma a nga va katekisa va na mana mafu, aniko avale a nga va singitela va na fuviswa.

Malakiya 2:2

Ngako mi si txi engisi, mi si ti emiseli timbiluni kwanu, kuninga txithavo ka ditina dangu, kuwomba Mkoma wa Mabutho a Tiyimbi, ni na rumela makhombo txitimwi kwanu, kambe ni na ruketela tithomba tanu, se ni ti ruketete nguko anu kha mi ti veki eto timbiluni kwanu.

Masalmo 91:10

Khu na mbi manwa ngu dikhombo ni da dimwedo, hambi mtungu ni wawumwewo kha wu na mbi hoka ditendani kwako,

Dhewuteronome 7:26

Ngu kumaha keto, u nga wuletise simaha so nyenyeza nyumbani kwako: Nguko u nga nyenyeza nawe kumweko naso; u fanete ku si nyenya ngutu, mi txi va kule naso, nguko nzimaha sa manyala.

Mavingu 21:12

Ngu wuzivi wakwe wule wo lulama, wa khatalela nyumba ya wo biha, mbimo yile vabihi va ndindwako ve yiswa kubihani.

Masalmo 1:3

A fana ni mndonga wu wu nga phawa mabambe ka lidhonga la mati, awu wu ningako mihando ya wona ngu mbimo ya kona, awu mazokoro a wona ma si wuniko totshe ti a ti mahako ta bhindula.

2 Samuwele 6:11

Se dibhokiso da Mkoma a to zumba nyumbani ka Obhedhi-Edhomi, mugeti, mitxima yiraru; se Mkoma a to katekisa Obhedhi-Edhomi ni yotshe nyumba yakwe.

Joxuwa 7:13

Khukha u txi ya sawulekisa vathu, u txi khawe kwawe: Ti sawulekiseleni ditshiku da mangwana, nguko Mkoma, Txizimu txa Israyeli, a womba tiya: Kurukwa kuho hagari kwanu va ka Israyeli; kha mi na mbi sikota kutsana masoni ka valala vanu, kala kuza mi txi thavisa txiruko hagari kwanu.

Dhewuteronome 11:28

kambe mi na va txiruko, ngako mi si xayisi sirumo sa Mkoma, Txizimu txanu, ni kungako mi txi huma ka nzila yi ni mi kombako nyamsi, mi txi londisa simwani sizimu, sile mi si si ziviko.

Joxuwa 6:18

Aniko anu ti woneleni ka so yila, kasi ku mi si ti nyenyezisi ngu ku si teka, se mi txi tisa dikhombo wugoveloni ka Israyeli, ku txi ta fuviswa.

Jobe 24:18

Va deluka txitimwi ka mati; thomba yawe yi ruketetwe txitmwi ka mafu; kha va tshumeli ngu nzila ya mivhinya.

Jobe 31:12

Nguko mndilo wu tshokomisa kala kufani, kambe wu ndi na lovisa sotshe si ni ku naso.

Mavingu 10:6

Sikatekiso si ha msungo ka wule wo lulama, aniko kulwisa ka tsiva sisofu sa vaonhi.

Mavingu 14:11

Nyumba ya vaonhi yi na haxuka, aniko ditenda da vale vo lulama di na phatima.

Mavingu 15:6

Nyumbani ka m'thu wo lulama, kumaneka thomba ya hombe, aniko ka mihando ya muonhi ku ni ku khulumeteka.