Mavingu 3:32 - Bhiblia Yo Sawuleka

³² Nguko muonhi njinyenyeko ka Mkoma, aniko txihunja txakwe txi ni vale vo lulama.

Mavingu 3:32 Referans Kwoze

Masalmo 25:14

Mkoma a dhunda vale va mthavako ene wa va ninga kuziva Txitumelelano txakwe.

Johani 15:15

Kha ni swi ni txi mi dhana ngu ditina daku mi sithumi, nguko txithumi kha txi ti zivi ati ti mahwako ngu mfumeli wa txona; aniko ni mi dhana ngu ditina daku mi vangana, nguko ni mi tulete totshe ti ni nga tiengisa ka Tate wangu.

Mavingu 11:20

Avale va timbilu to biha njinyenyeko ka Mkoma, aniko avale tinzila tawe i ku tinene, va mtsakisa.

Matewu 13:11

Se ene a to va xamula a txi khene. “Nguko anu mi ningilwe kuziva misisalo ya Mfumo wa nzumani, aniko vona kha va ningwa txilo.

Mavingu 17:15

Awule a emelako m'thu wo biha, ni wule a sungako m'thu wo lulama, ngu wumbidi wawe nzinyenyeko ka Mkoma.

Mavingu 8:13

Kuthava Mkoma ngu venga wubihi; na venga kutikulisa ni mahanyelo o biha, ni nzila ya walo, ni txisofu txo ruketela.

Matewu 11:25

Ka yoneyo mbimo, Jesu a txi khene: “Na ku bonga, awe Tata, Mkoma wa nzuma ni mafu, nguko u sisile timhaka tiya ka vazivi ni ka titxhari u txi ti wonekisa ka vavadotho.

Masalmo 18:26

Awe u lulamile ka wule a nga lulama u txharihile ka wule a ku ni mapimo o biha.

Jobe 29:4

kufana ni masiku a wuphyani kwangu, mbimo yile txihunja txa Txizimu txi nga ti ti ditendani kwangu,

Mtuletelo 2:17

Awu a ku ni tinzeve a na engise atile Moya wu embelako Mabanza: Ka wule a xulako, ni na mu tsunulela mana yawa ma nga siwa, ni na mninga kambe dirigwanyana do basa, dirigwanyana di ka dona ku nga bhalwa ditina da diphya, adi di si ziwiko ngu m'thu, hahanze ka wule a di amukelako.”

Luka 16:15

Ene a ti khene kwawe: “I di anu, mi ti maha valulami masoni ka vathu, kambe Txizimu txa tiziva timbilu tanu; nguko atxi txi nga guleka masoni ka vathu, i manyala masoni ka Txizimu.”

Mavingu 14:10

Mbilu ngu yona yi zivako kupandiseka ka yona, kambe mmwani kha na kupfa litsako la yona.

Johani 7:17

Ngako m'thu a txi lava kumaha kuranda ka Txizimu, a na tiziva ti to gondo yangu yi huma ka Txizimu, mwendo no ti wombela tangu ngu wutumbu.

Isaya 41:24

Wonani taku ma pindwa ngu kuva mi si nga txilo, ni mthumo wanu wa pindwa ngu kuva i si nga txilo; kunyenyeka ngu kona ku mi sawulako.