Mavingu 3:24 - Bhiblia Yo Sawuleka

²⁴ Mbimo yi u no otela, khu na mbi thava; ngako u txi na otela, ni wukohe wako wu na va wo tsakisa ka wusiku wotshe.

Mavingu 3:24 Referans Kwoze

Masalmo 3:5

Na rwama ni txi otela wotshe wusiku, ngu msana ni txi wuka, nguko Mkoma wa ni vhikela.

Masalmo 4:8

Ni na rwama ni txi otela ngu kudikha, nguko awe, Mkoma, ngawe dwe u ni ningako kuhanya ngu kuxayiseka.

Mavingu 6:22

Mbimo yi u no tsimbila, txi na kutsimbitisa; aha u no otela, txi na kuxayisa; u txi wuka txi na womba-womba ni nawe.

Jeremiya 31:26

Ka tona tiya ni vhumukile ni wona, se wukohe wangu wu ni tshambete.

Jobe 11:19

Se u na otela, ni wammweyo kha na mbi kuxamala; votala va na swahutela khohe yako.

Levhi 26:6

Ni na ninga kudikha ditikoni; se mi na otela mi di tsani, kha ku na mbi va ni wa ku mi dhukisa; kambe ni na fuvisa sihari sa tshofu sa mafu, ni ti to ditikoni kwanu kha ku na mbi maneka ditxhari.

Masalmo 127:2

Kha ti mi vhuni txilo kuphindula ni mixo ngutu, mi txi pila mi txi thuma kala hagari ka wusiku, kufela kudya mihando ya mnyuko wanu, na kasi Txizimu, ka vale txi va randako, txa va ninga soneso, hambi va di otete.

Ezekhiyele 34:15

Ni na dyisa tinvuta tangu, kambe ni na ti maha ti humula, kuwomba Mkoma Txizimu.

Mithumo 12:6

Ku ti ngako Herodha a txi pimisa ku mu humisa masoni ka vathu, ni wusiku wa kona Pedro a ti otete hagari ka masotxhwa mambidi, na a di sungilwe ngu titxhini timbidi, na kambe ha txikeni ka mkora ku ti ni vawoneleti.

Masalmo 112:8

Mbilu yakwe yi tsani, kha yi thavi txilo, ene wa themba ti to valala vakwe va na xulwa.

Mavingu 1:33

Aniko awule a no ni engisa a na hanya ngu kutsana, kambe a na humula mu ko thava kubiha.

Ekleziyaste 5:12

Wukohe wa mthumi wa tshamba, hambi a di dyite sa sidotho mwendo sasingi; aniko kukhura ka nyatithombe ka mpwatisa wukohe.

2 Makronika 20:30

Se wukoma wa Josafati wu to mana kuthutha, Txizimu txakwe txi to mninga kuhumula ngu madhawa otshe.

Masalmo 3:6

Kha ni na mbi va ni dizowa ni magumi a mazana a vathu, va nga ni randela kasi kulwa ni nani.

Masalmo 91:5

Khu na mbi thava tiphango ta wusiku, mwendo lingove lo khwinzwa ni mitshikari,

Mavingu 19:23

Kuthava Mkoma ka yisa kuhanyani; awule a mthavako a na enelelwa, kambe kha na mbi telwa ngu dikhombo ni da dimwedo.

Isaya 54:14

U na tsaniswa ngu kululama, kambe u na va kule ni wukhozisi, nguko khu na mbi thava; hambi ni kuxamala, nguko kha ku na mbi kuhokela.

Ezekhiyele 34:25

Kambe ni na maha txitumelelano txa kuthutha kumweko nato, ni txi heta sihari sa tshofu ha mafuni; ti na zumba txiwulani ti di tsani, ti txi otela sitingani.

Ezekhiyele 34:27

Se mindonga ya txitinga yi na ninga mihando ya yona, ni mafu ma na humisa sasiphya, ti nava ti di tsani ditikoni ka tona; se va na tiziva taku ani ngani Mkoma, mbimo yile ni no funya tindonga ta dikange da tona, ni txi ti txhatxhisa manzani ka vale va nga ti ti thuma kuranda ngu tona.