Mavingu 3:21 - Bhiblia Yo Sawuleka

²¹ Mwanangu, atiya ti ngave kule ni maso ako; veketa wutxhari wa wunene, ni kupfisisa;

Mavingu 3:21 Referans Kwoze

Joxuwa 1:8

Dibhuku diya da mlayo u nga thuke u txi hambana nado; aniko zumba u txi di alakanya wusiku ni mitshikari, kasi ku u txi khutalela kuxayisa totshe ti ti nga bhalwa ka dona, nguko di kumaha u humelela ka totshe tinzila tako, se u tsimbila kha kwati.

Mavingu 4:21

U nga ma leke me khukha masoni kwako; ma vekete hagari ka mbilu yako.

Dhewuteronome 4:9

Kambe ti wonele, awe upune, u txi xayisa ngutu moya wako, kasi u si divali tosthe ti maso ako ma nga ti wona, ti si thuki ti huma mbiluni kwako, ni ka dihi ditshiku da kotshe kuhanya kwako. Ti gondise ka vanana vako ni ka vatukulu vako.

1 Johani 2:27

Se anu, kutotwa ku mi nga kuamukela kwakwe, wu zumbile kwanu, se kha mi ngadi mi txi fanela kugondiswa ngu m'thu; nguko kutotwa ka ditshuri, kha ku wombi makuhu, ngu konaho, zumbani kwakwe Kristu, nga ti ku nga mi gondisa tona.

Johani 8:31

Ngu toneto, Jesu a to gela Vajudha va va nga ti khotwe kwakwe, a txi khene: “Ngako mi txi zumba ka dipswi dangu, mi na va vagondiswa vangu ngu ditshuri.

Mavingu 2:7

Avale vo lulama, ene wa va vekela wutxhari wa ditshuri; txitxhavangu nja vale va tsimbilako ngu kuthembeka,

1 Johani 2:24

Aniko, anu khutalani, kasi ku ti txi zumba kwanu ati mi nga tiengisa, kukhukhela makhatoni. Ngako ti txi zumba kwanu ati mi nga tiengisa kukhukhela makhatoni, nanu mi na zumba ka Mwanana ni ka Tate.

Mavingu 1:4

kasi kuninga wutxhari ka vale vo kelelelwa ngu mapimo, ni kuninga vale vavaphya maalakanyo amanene;

Mavingu 5:2

kasi ku u na xayisa siziviso sangu, ni txisofu txako txi vekete wuzivi.

Mavingu 8:14

Sileleto ni wutxhari wa ditshuri si huma kwangu; ani ngani mapimo, mtamo wu huma kwangu.

Mavingu 18:1

Awule a ti vekako kule a xota maalakanyo akwe ekha; ene a lwisa wutxhari wa ditshuri.

Mavingu 4:6

U nga hambane ni wutxhari, nguko wona wu na kuxayisa; wu dhunde, wona wu na kuxayisa.

Mavingu 19:8

Awu a manako mapimo wa randa muhefemulo wakwe; awule a xayisako wutxhari a na mana wunene.