Mavingu 3:15 - Bhiblia Yo Sawuleka

¹⁵ Wutxhari mbunene ngutu kupinda sotshe so navetisa, ni sotshe si u nga sikotako ku si navela, kha si na ku dinganiswa ni wutxhari.

Mavingu 3:15 Referans Kwoze

Mavingu 8:11

Nguko i txhuko wutxhari kupinda marigwi a lisima; hambi sotshe si si navetisako, kha si na kufana ni wutxhari.

Jobe 28:18

Wutxhari wa maha m'thu e divala korali ni kristali; nguko kumaneka ka wutxhari, ku txhuko, kupinda ka marubhime.

Varoma 8:18

Ngu konaho, ni pimisa ngu kutsanisa ti to sixaniso sa mbimo yiya hi nga sa txilo, kambe kha si fananiswi ni wudhumo wu hi no kombiswa.

Mavingu 31:10

I mani a nga sikotako kumana msikati wamnene kani? Mtengo wakwe wa pinda ngutu wa marigwi a lisima.

Mavingu 20:15

Ku ni nzalama ni marigwi amangi a lisima; kambe lisima la hombe li ka txisofu txa wuzivi.

Masalmo 63:3

nguko lirando lako nda lisima ngutu kupinda wutomi! Ni na kudhumisa ngu txisofu txangu

Mavingu 8:10

Amukelani silayelo sangu, i si nga silivhela, ni wuzivi kupinda nzalama yo hehuka yo sawulwa.

Ekleziyaste 7:11

Wutxhari mbunene kufana ni thomba, ka wona va mana txokari avale va wonako ditambo.