Mavingu 3:1 - Bhiblia Yo Sawuleka

¹ Mwanangu, u nga divale kulaya kwangu, kambe mbilu yako yi na vekete milayo yangu.

Mavingu 3:1 Referans Kwoze

Mavingu 4:5

Mana wutxhari, mana mapimo, u nga divale hambi kuhambana ni mapswi a txisofu txangu.

Masalmo 119:16

Ni na tsaka ngu milayo yako; kha ni na mbi divala mithetho yako.

Mavingu 1:8

Mwanangu, engisa gondo ya tate wako, kambe u nga leke sileleto sa mwamwako.

Masalmo 119:93

Kha ni na mbi dhuka ni divala sileleto sako, ina, nguko u ni hanyisile ngu sona.

Masalmo 119:34

Ni ninge mapimo, kasiku ni xayisa mlayo wako; ni na wu vekisa ngu yotshe mbilu yangu.

Jeremiya 31:33

Aniko atxiya njitumelelano txi ni no maha ni nyumba ya ka Israyeli, msana ka masiku ale, kuwomba Mkoma: Ni na veka mlayo wangu mndani kwawe, ni wu bhala timbiluni kwawe; ni na va Txizimu txawe, se vona va na va vathu vangu.

Masalmo 119:11

Ni vekile mbiluni kwangu mahungu ako, kasi ku ni si ku onheli.

Dhewuteronome 8:1

Mi na vekisa sotshe sirumo si nyamsi ni mi leletako, kasi ku mi txi si xayisa, ti to mi na hanya mi txi anda, mi txi wulela mi fuma ditiko di Mkoma, a nga thembisa ngu txixambanyo ka vatate vanu.

Masalmo 119:153

Wona kuxaniseka kwangu, u ni txhatxhisa, ina nguko kha na divala mlayo wako.

Hoseya 4:6

Vathu vangu va lovisilwe, ngu kule va nga pwata wuzivi; nguko awe u lambile wuzivi, se nani na kulamba, kasiku u si mahi mphaxeli masoni kwangu; akule u nga divala mlayo wa Txizimu txako, nanani ni na divala vanana vako.

Dhewuteronome 4:9

Kambe ti wonele, awe upune, u txi xayisa ngutu moya wako, kasi u si divali tosthe ti maso ako ma nga ti wona, ti si thuki ti huma mbiluni kwako, ni ka dihi ditshiku da kotshe kuhanya kwako. Ti gondise ka vanana vako ni ka vatukulu vako.

Masalmo 119:176

Ni pepesekile kufana ni nvuta yo mwalala; tsimbita txithumi txiya txako, nguko ani kha na divala sirumo sako.

Dhewuteronome 4:23

Ti woneleni mi si divali txitumelelano txi Mkoma, Txizimu txanu, a nga txi maha ni nanu, mi si thuki mi ti mahela txifananiso txo wumbwa, txa tximaha txihi ni txihi, a txi Mkoma, Txizimu txanu, a nga mi tsimba.

Mavingu 31:5

Ku mahela ti to va si seli, se ve divala milayo, ni kuonhetela wululamo wa votshe vale va xanisekako.

Isaya 51:17

Wuka, Wuka, khukha awe Jerusalema, u nga sela ka dianza da Mkoma, digombe da txiviti txakwe, u sete ni kupswonga nzambwa ka digombe di di levisako, u sete nzambwa ya digombe da kuthidhela.

Eksodha 20:6

Kambe na maha wumbilu kala ka liveleko la digumi da mazana, ka vale va ni randako, avale va xayisako milayo yangu.

Masalmo 91:16

Ni na mninga kuhanya masiku amangi, kambe ni na mkomba kuhanyisa kwangu.”

Masalmo 119:61

Vathu vo biha va ni riyete mlawu, aniko ani kha ni divali mlayo wako.

Mavingu 2:1

Mwanangu, ngako u txi tumela mapswi angu, ni kuveketa milayo yangu,

Mavingu 4:2

Nguko na mi ninga gondo ya yinene; mi nga lekeni mlayo wangu.

Mavingu 16:31

Wunvi m'bhoti wo dhundeka, wu manekako ka mahanyelo o lulama.

Mavingu 23:26

Mwanangu, nihe mbilu yako, kambe maso ako ma na wonisise tinzila tangu.

Dhewuteronome 5:16

Thava tate wako ni mame wako, nga ti Mkoma, Txizimu txako, a nga kuleleta, kasi masiku ako ma na anda ni nawe u na kateka, ka ditiko di Mkoma, Txizimu txako, a no kuninga.

Dhewuteronome 5:33

“Mi na tsimbila ngu yotshe nzila yi Mkoma, Txizimu txanu, a nga mi leleta, kasi ku mi txi hanya, mi di katekile, ni ti to masiku anu ma txi anda, ka ditiko di mi no ya di teka, di txi maha danu.”

Mavingu 4:21

U nga ma leke me khukha masoni kwako; ma vekete hagari ka mbilu yako.

Mavingu 8:1

Ina Wutxhari kha wu dhuki wu kwangula kani? Ni kupfisisa kha kuhumisi dipswi da kona kani?

Mavingu 9:1

Wutxhari se wu akile nyumba ya wona, se wu vatile mtxhanu wa tisika ni timbidi ta wona.