Mavingu 29:8 - Bhiblia Yo Sawuleka

⁸ Vatseketseli va turisa mndilo wa pfilu-pfilu didhoropani, kambe avale vo txhariha, va releta kuhenya.

Mavingu 29:8 Referans Kwoze

Mavingu 11:11

Ngu kukatekiswa ngu vo lulama, da tsaka didhoropa, aniko da haxulwa ngu txisofu txa vaonhi.

Jeremiya 15:1

Sekoko Mkoma a to khene kwangu: “Hambi i ti ku Mosi ni Samuwele vo ta ema masoni kwangu, mbilu yangu nga yi si sikoti kuva kumweko ni vathu vava. Va tutumise masoni kwangu.

Mavingu 16:14

Txiviti txa mfumeli txi fanana ni mtumi wa lifo, kambe m'thu wo txhariha a na mmalata.

Ezekhiyele 22:30

Hagari kwawe ni lavile wamwamna wa kuva a nga tsivela diguma, na a ti ka ditshoko masoni kwangu, kasi ku ni si di khundumusi; aniko kha na mana ni wammweyo.

Mitengo 25:11

Finiyasi, mwana Eleyazari, mwana mphaxeli Aroni, a vayilelisile dikhulo dangu txitimwi ka vanana va ka Israyeli, nguko a to ti ningela hagari kwawe. Se kha na nga va lovisa vanana va ka Israyeli, ngu kuhenya kwangu.

Mitengo 16:48

Se Aroni a to ema hagari ka va vo hanya ni va vofa; mtungu wu to ema kudayela vathu.

Mavingu 29:9

M'thu wo txhariha a txi phikizanako ni txiphukuphuku, mwendo wa henya mwendo wa seka, kha na mbi mana kuhumula.

Mavingu 15:1

Kuxamula ko ti veka hahatshi ka releta kuhenya, kambe mapswi o nemela ma wusa kuhenya.