Mavingu 29:4 - Bhiblia Yo Sawuleka

⁴ Mfumeli wo lulama wa tsanisa ditiko dakwe, aniko awule i ku mngana wo xavwa, wa di hoxota.

Mavingu 29:4 Referans Kwoze

Mavingu 29:14

Mfumeli wu a lamulako sisiwana madingano ni ditshuri, a na tsanisa wukoma wakwe yotshe mbimo.

Mika 7:3

Manza awe ma ti ningetetela kumaha wubihi; maxonga ma wotisela, se mlamuli a tutumela hakhelo, ni wa hombe a womba-womba ngu kunavela ka mbilu yakwe, ngu kumaha keto, vona votshe mba khulumeteli.

Dhaniyeli 11:20

Se ka wukhalo wakwe, ku na vekwa mmwani wu a no tsimbitisa msengisi ngu wudhundo wa mfumo; aniko mndani ka masiku amadotho a na loviswa, kambe keto ku si ngani txiviti, ku si na kulwa.

Mavingu 20:8

Mfumeli a txi khalahatsha txituluni ka wulamuli, wa kuluveta kuwona mnandu ha wu ku kona.

Isaya 49:8

Mkoma a womba tiya: Ni ku engisile ngu mbimo ya yinene, ni kuvhuni ngu ditshiku da kuhanyiswa, ni na kuxayisa, ni na kumaha txitumelelano ka vathu kasi ku u na wusa ditiko ni kuvaninga kuva tithomba tawe tile ti nga xaselwa;

Isaya 9:7

Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

Mavingu 16:12

Njinyenyeko ka vafumeli kumaha wubihi, nguko txikhalo txa wukoma txi tsaniswa ngu wululamo.

Mavingu 8:15

Vafumeli va fumiswa ngu ngani, ni vathangeli va ruma wululamo.

Masalmo 99:4

Awe u mfumeli wa mtamo, u randa kululama, ngawe u nga tsanisa asi i ku sa fanelo; u lamula ngu fanelo ni kululama vanana va Jakobe.

Masalmo 89:14

Mfumo wako wu tsanisilwe ngu kululama ni ditshuri, lirando ni ditshuri si ni nawe masoni kwako.

2 Makronika 9:8

A na dhumiswe Mkoma Txizimu txako, awu a tsakako ngu ngawe, kasi e kuveka ha txituluni ka wukoma wa Israyeli, kasi ku u txi fuma ngu ditina da Mkoma Txizimu txako, ngu ku Txizimu txako txa randa Israyeli ka yotshe mbimo; ngu mhaka yeto, a kumahile mfumeli, kasi uva ni kupimisa ni wululamo.

1 Vafumeli 2:12

Se Solomoni a to khalahatsha ha txikhaloni ka wukoma wa Dhavhidha, tate wakwe, wukoma wakwe wu to tsana ngutu.

2 Samuwele 8:15

Dhavhidha koko, a to fuma dotshe ditiko da Israyeli; e lamula ngu kululama ka votshe vathu vakwe.

1 Samuwele 13:13

Sekoko Samuwele a to khene ka Sawule: U mahile wuphukuphuku! Kambe khu ya xayisa mlayo wule Mkoma, Txizimu txako txi nga kuleleta wona. Nguko konkuwa Mkoma a di na tsanisa mfumo wako txitimwi ka Israyeli kala kupinduka.

Jobe 11:6

se txi di kumahile u ziva sihunja sa wutxhari, si nga talelwa ngu kutsana; ngu kumaha keto, ziva taku Txizimu txa ku tsayisa ka kudotho, na kuve mnandu wako mbwo pinda mpimo.

Mavingu 14:34

Wululamo wa guleta matiko, aniko txionho ndingana ka vathu.

Mavingu 16:10

Kuhutetela kuhuma txisofuni ka mfumeli; ka mbimo ya kulamula kha sikizi.