Mavingu 29:16 - Bhiblia Yo Sawuleka

¹⁶ Mbimo yile vaonhi va engetelanako, kuhambunyeta ni kona ka engetelana, aniko avale vo lulama, va na wona kuwa ka vaonhi.

Mavingu 29:16 Referans Kwoze

Masalmo 92:11

Ni va woni valala vangu ve xulwa, ni ti engisile tihuwa ta vale va nga ti lava ku ni wukela!

Masalmo 91:8

U na ti wona ngu maso ako dwe, u wona kutsayiswa ka vathu vo biha.

Masalmo 58:10

Mlulami a na tsaka, ngako a txi wona kuphotelwa a na samba mikondo yakwe ngu mnoha wa vabihi!

Masalmo 37:36

kambe a mwalate: Khe ngadi a txi hanya; ni mlavile, aniko kha na mmana.

Masalmo 37:34

Themba Mkoma, u londeta tinzila takwe ene a na kuguleta, e kuninga mafu awa me maha thomba yako; awe u na ti wona ngu maso ako mbimo yi va no fuviswa vabihi.

Mavingu 29:2

Mbimo yile va kulako vale vo lulama, vathu va tsaka, se i ti muonhi a tongako, ditiko da xomuleka.

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Mtuletelo 15:4

Mkoma, i mani a no mbi thava ni kupfalisa ditina dako, kani? Ina! Ngawe dwe u ku msawuleki! Yotshe mifumo yi nata khizama masoni kwako, nguko mithumo yako ya kululama yi ha kubasani.”

Masalmo 112:8

Mbilu yakwe yi tsani, kha yi thavi txilo, ene wa themba ti to valala vakwe va na xulwa.

Masalmo 92:9

Kha ditshuri, Mkoma, valala vako va na fuviswa, votshe vabihi va na hangalaswa.

Mavingu 21:12

Ngu wuzivi wakwe wule wo lulama, wa khatalela nyumba ya wo biha, mbimo yile vabihi va ndindwako ve yiswa kubihani.