Mavingu 29:10 - Bhiblia Yo Sawuleka

¹⁰ Sidayi si ni livengo ka m'thu wo lulama, kambe vale vo lulama va ti lavela wunene wawe.

Mavingu 29:10 Referans Kwoze

Varoma 10:1

Vanathu, kuxuva ka mbilu yangu ni mikombelo yi ni va mahelako ka Txizimu vanana va ka Israyeli, ngu ti to ve hanyiswa.

Mithumo 7:60

Se e khizama a txi kwangula ngu dipswi da hombe, a txi khene: “Mkoma u nga va alakanyele txionho txiya.” Ngako a di wombile tiya, a to fa.

Johani 5:34

Ngako i di ani, kha ni amukeli wufakazi ka m'thu; aniko ni wombisa tiya, kasiku mi txi hanyiswa.

Luka 23:34

Se Jesu a ti ti khene: “Tata, va divalele, nguko kha va ti zivi ati va ti mahako.” Ngu msana, va to abanela syambalo sakwe, ngu kuxaxuva tixolo.

2 Makronika 18:7

Sekoko mfumeli wa ka Israyeli a to khene ka Josafati: Ku ngadi ni m'thu mmweyo, awu hi nga mu wotisako ta Mkoma, ani na mnyenya, nguko kha khali ku ni profeta timhaka ta tinene, hahanze ka to biha dwe, i Mikaya, mwana Imila. Se Josafati a to khene: Mfumeli u nga wombawombisi eto.

1 Vafumeli 22:8

Sekoko Akabe i ku mfumeli wa Israyeli a to khene ka Josafati: A nga diho wamwamna waku a nga hi wotisela ka Mkoma; aniko ani na mnyenya nguko kha zivi ku nga profeta ta tinene ngu ngani, ndo biha dwe; i Mikaya, mwana Inila. A to khene kha Josafati: U nga wombise eto awe mfumeli.

1 Vafumeli 21:20

Se Akabe a to khene ka Elija: Se u ni mani awe mlala wangu kani? Se Elija a to khene: Ni ku mani; nguko se u ti xavisile, ngu kumaha to biha masoni ka Mkoma.

1 Samuwele 15:11

Na tilaya nguku ni nga veka Sawule e maha mfumeli; nguko a lekile kulondeta sileleto sangu, kambe kha xayisa mapswi angu. Sekoko Samuwele a to henya, e dila ka Mkoma wusiku wotshe.

Jeremiya 18:20

Ina wunene wu nga tshumetelwa ngu wubihi kani? Nguko va kete diphala kasi wu txi wulela muhefemulo wangu. Alakanya ti taku ni emile masoni kwako, kuva ni womba-womba ngu wunene wako ni kutshumetela kule navo kuhenya kwako.

Masalmo 59:2

Ni hulukise ka vo biha u txi ni hanyisa ka vathu va sigevenga,

Mavingu 29:9

M'thu wo txhariha a txi phikizanako ni txiphukuphuku, mwendo wa henya mwendo wa seka, kha na mbi mana kuhumula.

Mavingu 29:27

Muonhi njinyenyeko ka wule wo lulama, se nene wule wa tinzila ta tinene njinyenyeko ka muonhi.

Mavingu 13:19

Kunavela kule kutatisekako ka tsakisa moya, aniko kuhambana ni wubihi njinyenyeko ka siphukuphuku.

Jeremiya 38:7

Ngako Ebhedhi-Meleki, Muetiyopiya, mthenwa wu a nga ti nyumbani ka mfumeli, a di ti pfite ti to Jeremiya va mtshotshile diphalani, na mfumeli a ti khalahatshile ha txikeni ka Bhenjamini.

Jeremiya 38:13

Se va to ndinda Jeremiya ngu tingoti, va txi mu humisa diphalani, se ene Jeremiya a to zumba banzani ka vawoneleli.