Mavingu 28:8 - Bhiblia Yo Sawuleka

⁸ Awule a andisako thomba yakwe ngu dibhindu do biha ni ku honyolela sa vakwawe, a vekela wule a pfelako sisiwana.

Mavingu 28:8 Referans Kwoze

Mavingu 13:22

M'thu wa wunene, a siyela thomba vanana va vanana vakwe, aniko thomba ya muonhi yi ningelwa ka wo lulama.

Ekleziyaste 2:26

Nguko Txizimu txa ninga wutxhari, ni wuzivi, ni litsako ka m'thu wule i ku mnene masoni ka txona; aniko ka muonhi txi mninga mthumo, kasi ku e sengeletela ni kuwungeletela, se e ninga wule a nga maha ta tinene masoni ka Txizimu. Eto ni tona mbukanganyisi, ni kuxaniseka ka moya.

Levhi 25:36

U nga lave dibhindu, kambe u nga m'dyelele, aniko thava Txizimu txako, u na zumba nayo mwananu.

Ezekhiyele 18:17

asi nemetiseliko mxaniseki ngu dianza dakwe, asi amukeliko somaha ngu kupindeletisa, a txi londeta wululamo wangu, ni kutsimbila ngu sileleto sangu, eyo kha na mbi fa ngu mhaka ya wubihi wa tate wakwe; ngu ditshuri a na hanya.

Eksodha 22:25

Ngako u txi lombisa male ka txisiwana txokari, txa hagari ka vathu vangu, avale va ku ni nawe, u nga mkurumete ti to e diha ni ya dibhindu; u nga mkurumete ya dibhindu.

Ezekhiyele 18:13

a zumbako ni siya so lombwa, a amukelako so tala, ina a nga hanya kani? Kha na mbi hanya! Otshe manyala awa a ma mahile, ngu ditshuri a na fa; mnoha wakwe wu na va txitimwi kwakwe.

Ezekhiyele 18:8

asi ningeliko male yakwe ngu kubhindulisa, asi amukeli ngu kupindisa, a vayilelisako dianza dakwe ka kwa mbi lulama, a lamulako m'thu ngu kululama masoni ka mmwani m'thu;

Mavingu 14:31

Awule a xanisako txisiwana a ruka wule a nga txi vanga, aniko awule a xanisekelako txisiwana wa m'guleta.

Mavingu 19:7

Votshe vanawe va txisiwana va txi nyenya; ngutu-ngutu vangana va txona, va na tshuketela kule! Txa va londeta ngu kututuma txi va dhana, aniko kha va txi vhuni ngu txilo.

2 Samuwele 12:6

Se a na diyela txi nvutana ngu kuningela mune wa sona, nguko a mahile mhaka yo ngeto asi nga ni kupfela wusiwana.

Masalmo 72:13

A nava ni wumbilu ka va vo ti veka hahatshi a na hanyisa muhefemulo wa sikulungu.

Mavingu 14:21

Awule a txhipisako muakelani wa onha, aniko awule a xanisekelako sisiwana a katekile.