Mavingu 28:5 - Bhiblia Yo Sawuleka

⁵ Vathu vo biha kha va ti zivi to lulama, kambe avale va xotako Mkoma va ti pima totshe.

Mavingu 28:5 Referans Kwoze

1 Johani 2:27

Se anu, kutotwa ku mi nga kuamukela kwakwe, wu zumbile kwanu, se kha mi ngadi mi txi fanela kugondiswa ngu m'thu; nguko kutotwa ka ditshuri, kha ku wombi makuhu, ngu konaho, zumbani kwakwe Kristu, nga ti ku nga mi gondisa tona.

Jakobe 1:5

Se ngako mmweyo wanu a txi pwata wutxhari a na wu kombele ka Txizimu, atxi txi ningako votshe vathu ngu wunene, na txi si feleli, a na ningwa.

1 Johani 2:20

Se anu mi totilwe ngu kusawuleka, ma tiziva totshe.

Masalmo 92:6

Mabhemba kha ma yi zivi mhaka yiya siphukuphuku kha si yi pimisi.

Johani 7:17

Ngako m'thu a txi lava kumaha kuranda ka Txizimu, a na tiziva ti to gondo yangu yi huma ka Txizimu, mwendo no ti wombela tangu ngu wutumbu.

Mavingu 24:7

Wutxhari wu txitimwi ngutu, kha wu manelwi ngu txiphukuphuku; txi tandeka ni kutula txisofu banzani.

Mavingu 15:24

Nzila ya wutomi ya guleka ka wule a ku ni mapimo, kasi e hambana ni kuhiswani, ku manekako hahatshi.

Masalmo 119:100

Ngu toneto, na engisa ngutu kupinda madhota, nguko na xayisa sileleto sako.

Masalmo 25:14

Mkoma a dhunda vale va mthavako ene wa va ninga kuziva Txitumelelano txakwe.

Jeremiya 4:22

“Nguko vathu vangu va bharukile: Kha va ni zivi; vanana vo mba ziva, na va si nga ni kupima. Vona va txharihile kumaha kubiha aniko kha va sikoti kumaha wunene.”

Mavingu 2:9

Sekoko u na ziva wululamo, ni wulamuli, ni kudinganisa, ni dotshe ditshuri da dinene.

Isaya 6:9

Sekoko ene a nje khene: Tsula u ya gela vathu vava, u txi khawe: Mi na engisa, aniko kha mi na mbi ti pima; kha ditshuri mi na wona, aniko kha mi na mbi wonisisa.

Isaya 44:18

Kha va zivi txilo, hambi kupfisisa txilo; nguko va vhalekile maso, kasi ku va si woni, ni mbilu kasi ku va si pimi txilo.

Masalmo 119:98

Sirumo sako yotshe mbimo si ni nani, se sa ni ninga kuziva ngutu kupinda valala vangu.

Isaya 1:3

Homu ya ziva nyamne wa yona, ni mbongola ya wu ziva mkawu wa nyamne wa yona; aniko Israyeli kha zivi txilo, vathu vangu kha va pfisisi txilo.

Amosi 3:10

Nguko kha va ti zivi kumaha ta tinene, kuwomba Mkoma, va tata tinyumba tawe ta wukoma ngu wugevenga ni wuhasamuli.