Mavingu 28:4 - Bhiblia Yo Sawuleka

⁴ Avale va lekako mlayo va dhunda muonhi; aniko ava va xayisako milayo va lwisana navo.

Mavingu 28:4 Referans Kwoze

Varoma 1:32

hambiko va ti zivako ti to Txizimu txi vekile mlayo wu wu wombako ti to avale va mahako toneto, va fanetwe ngu kufa, vona kha va gwiteli ku ti maha dwe, aniko va emela ni vale va ti mahako.

Vaefesu 5:11

Mi nga wuleleni amu ka mithumo ya txidema, ayi yi si ningiko mihando, kambe yi vayileleni masoni ka votshe vathu.

Matewu 14:4

Nguko Johani a ti ti khene kwakwe: “Kha ti tumeleki ku mteka e maha msikati wako.”

Matewu 3:7

Mbimo yi a nga wona Vafarisi ni Vasadhusi va txi lava ku ta bhabhatiswa ngu ngene, a txi khene kwawe: “Lixaka la timamba i mani a nga mi laya, ti to mi thava txiviti txi txi tako kani?

Masalmo 49:18

Hambi a sa nga va ni kupwata txilo kuhanyani kwakwe ha mafuni. Hambi vathu va txi kudhumisa ngu mhaka ya tithomba tako,

1 Vafumeli 18:18

Se ene a nje khene: Ani kha ni zivi ku nga khulumetela Israyeli, aniko ngawe ni nyumba ya tate wako, ngu ku mi nga leka milayo ya Mkoma mi londisa va ka Bhahali.

Judha 1:3

Vorandeka, ni di ngadi ni txi xuva ku mi bhalela madingano ni kuhanyiswa kuwa i ku ka hotshethu, ni ti woni ti di ni fanelo ku mi bhalela, ni mi laya, ti to mi lwela likholo li Txizimu txi nga ninga vasawuleki va txona kumweko dwe.

1 Johani 4:5

Vona mba ha ditikoni, ngu toneto va womba-womba ngu ta ha mafuni, se mafu ma va engisa.

Mithumo 15:2

Msana ka kukanetisana ni kuphikizana ka hombe ngutu hagari kwawe ni Paulo ni Bharnabhasi, konaho ku to lamulwa ti to Paulo ni vamwanyani va fanela kukwela veya Jerusalema, kasi kuya wotisa mhaka yiya ka Vapostoli ni ka madhota.

Masalmo 10:3

M'thu wa kubiha wa ti dhumisa ngu minavelo yakwe; m'thu wa makolo wa ruketela ni kunyenya Mkoma.

1 Vafumeli 18:21

Sekoko, Elija a to tshuketa hafuhi ka votshe vathu a txi khene: Mi na khwita hagari ka mipimiso yimbidi kala yihi mbimo kani? Ngako Mkoma i di Txizimu mlondiseleni; ni loku i di Bhahali, mlondiseleni. Hambi keto, vathu kha va mxamula txilo.

1 Vatesalonika 2:2

Aniko, hambiko hi nga thanga ngu kuxaniseka ni kuruketelwa aniya Filipiya, nga ti mi ti zivisako tona, Txizimu txathu txi hi ningile mtamo wa ku mi txhumayela Evhangeli yi yi tako ngu ka txona, hagari ka kulwa ka hombe.

Mithumo 19:9

Vamwani va to bangisa timbilu tawe, se ha wukhaloni ka kukholwa, va to sola Nzila ya Mkoma, kona hale masoni ka vathu. Paulo a to khukha masoni kwawe e tsula, e teka vagondiswa ngu phuho, a txi va gondisa dipswi, ditshiku ni ditshiku, txikolani ka Tirano.

Mithumo 12:22

Se vathu ve kwangula, va txi kha vona: “Dipswi diya nda Txizimu, hi nga da m'thu!”

Matewu 3:15

Kambe Jesu a to mu xamula a txi khene: “Konakuwa ti leke eto, kulaveka hi txi londetela totshe ti hi fanelako ku ti maha.” Se Johani e mu tumelela.

Jeremiya 5:30

Nzilo sa mahanjalati ni sa manyala si mahwako kona ditikoni muwa.

Nehemiya 13:28

Mmweyo ka vanana va Joyadha, mwana Eliyasibhe, mphaxeli wa hombe, i ti mwane wa Sambalati, muhoroni, ngu mhaka yeto, ni to mtovela masoni kwangu.

Nehemiya 13:15

Ka ona ale masiku, ni woni vathu kona Judha, va txi kamela vhinya ngu Sabbata, vamwani va txi rwalela tinyanda ngu timbongola; ni vhinya, ni mauvha, ni makuwa, ni thundu ya mixowo yotshe va txi si yisa Jerusalema ngu ditshiku da Sabbata; se ni to va laya, ditshiku dile va nga ti xavisa sakudya.