Mavingu 28:21 - Bhiblia Yo Sawuleka

²¹ Ku mahela txithavo m'thu ngu kuwona khohe, hi nga ta tinene, nguko ngu sakudya sa sidotho, m'thu a nga timetwa.

Mavingu 28:21 Referans Kwoze

Ezekhiyele 13:19

Anu mi ni poyite hagari ka vathu vangu, ngu sevhadha ya yidotho, ni sikhwemu sa mapawu, kasi kudaya mihefemulo yi yi nga si dingani kufa, ni kuxayisa mihefemulo yile yi nga si dingani kuhanya, mi womba makuhu ka vathu vangu, va engiselako makuhu.

Mavingu 24:23

Aawa ni ona, ngu ona mavingu titxhari. Hi nga ta tinene kulamula ngu kuwona khohe.

Mavingu 18:5

Hi nga tinene kuemela m'bihi, ku txi wiswa wo lulama kulamulwani.

Eksodha 23:8

Kambe u nga amukele txiningo, nguko txiningo txa vhala maso avale va wonako, kambe txa jikisa timhaka ta vale va nga lulama ha banza.

Eksodha 23:2

U nga londete mtxawa wa mtalo wa vale va mahako to biha. U nga emele ava votala habanza, ngako va txi jikisa mahungu a ditshuri,

2 Pedro 2:3

Se ngu mhaka ya timbiti tawe, va na lava mabhindu ngu nganu, ngu kuthumisa mawombawombelo a kukanganyisa. Aniko, kulamulwa kwawe i kale ku di lulamisilwe, ni kulova kwawe kha ku na mbi swela.

Varoma 16:18

Nguko ava vo ngeto kha va thumeli Mkoma wathu Jesu Kristu, kambe va thumela masusu awe dwe; va hambukisa timbilu ta va vo divala ngu mapswi o tshamba ni kukanganyisa.

Mika 7:3

Manza awe ma ti ningetetela kumaha wubihi; maxonga ma wotisela, se mlamuli a tutumela hakhelo, ni wa hombe a womba-womba ngu kunavela ka mbilu yakwe, ngu kumaha keto, vona votshe mba khulumeteli.

Mika 3:5

A womba tiya Mkoma ka vaprofeti, va va timetako vathu vangu, va va lumako ngu makwasa awe va txi kha vona: Kuthutha! Se awule asi va kovetisiko txilo mkanani, va mxomela yimbi.

Hoseya 4:18

Sa kusela sakwe si gumile, vona vaya masoni ngu ku timwalata; ngu ditshuri vathangeli vawe va randa tingana.

Dhewuteronome 1:17

Mi nga yeni ngu khohe kulamulani kwanu: Mi na engisa ngu kufana mhaka ya wam'dotho ni mhaka ya wa hombe. Mi nga thaveni txiemo txa m'thu, nguko kulamula kuta ngu ka Txizimu. Ngako mhaka i di yo karata kwanu, yi tiseni kwangu, kasi ku ani ni txi ta yi engisisa.