Mavingu 28:18 - Bhiblia Yo Sawuleka

¹⁸ Awule a tsimbilako ditshurini a na hanyiswa, aniko awule wa tinzila to biha, a na kuluveta kuwa.

Mavingu 28:18 Referans Kwoze

Mavingu 10:9

Awule a tsimbilako ditshurini a tsimbila a di tsani, aniko awule a sanulako tinzila takwe a na tumbulwa.

Mavingu 28:6

I txhuko txisiwana txile txi tsimbilako ditshurini, kupinda nyatithombe wa tinzila to biha.

Mtuletelo 3:3

Ngu konaho alakanya ati u nga ti amukela ni ku tiengisa. Ti xayise u txi hunduluka. Ngako u si woneleli, ni nata nga dikhamba, na awe u si txi zivi txikhati txi ni no ku tela ngu txona.

Masalmo 84:11

Nguko Mkoma liwoningo lathu ni m'vhikeli wathu; ene wa randa ni kudhunda avale va hanyako ngu kululama kha va lambeli ni txa tximwetxo tximaha txa txinene.

Mitengo 22:32

Sekoko Ngelozi ya Mkoma yi ti kha yona kwakwe: Ngu kutxani u pekisa tiya mbongola yako, sikhati siraru kani? Ngani ni nga ta ku tsivela, nguko ni woni ti to ayiya i nzila yo kuyisa phangoni;

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Vagalatiya 2:14

Kambe mbimo yi ni nga ti wona ti to se kha va tsimbili ngu nzila yo lulama, madingano ni ditshuri da Evhangeli, ni gete Khefasi masoni ka votshe vathu, ni txi khani: “Ngako awe u ku Mujudha u hanyisako ku nga wa matiko, u si hanyisiko txijudha, u na sikotisa kutxani kukurumeta vamatiko kuve hanyisa txijudha, kani?”

Mavingu 10:25

Wo biha a pinda kufana ni txihuhuri, aniko mlulami a ni kutsana ko mbi gwita.

Masalmo 125:5

Aniko avale va hambukako ve londisa tinzila to gombonyeka Mkoma a na va lovise kumweko ni sigevenga. Kudikha ku nave ni va ka Israyeli!

Masalmo 26:11

I di ani, ni tsimbila ngu nzila yo lulama; ni hulukise, telwa ngu wumbilu ni nani!

Masalmo 25:21

Wunene ni kululama si na ni vhikele, nguko themba yangu ni yi vekile kwako.

Mavingu 10:27

Kuthava Mkoma ka engetela masiku, aniko malembe a vo biha ma na komiswa.

Mitengo 22:21

Sekoko Bhalahamu a to wuka ni mixo e panisa mbongola yakwe, e tsula ni vathangeli vakwe Mowabhi.

Mitengo 22:35

Se Ngelozi ya Mkoma yi to kha yona ka Bhalahamu: “Tsula navo vathu vava, aniko i nda ya womba ati ani ni no kugela dwe. Se Bhalahamu a to tsula ni mthangeli wa Bhalake.”

Mavingu 28:10

Awule a jikisako vo lulama ve huma e va yisa ka nzila yo biha, ene apune a na wa ka dona diphaledo dakwe; aniko avale va ditshuri va na wuyelwa ngu wunene.