Mavingu 28:16 - Bhiblia Yo Sawuleka

¹⁶ Mthangeli wo pwata mapimo nene wa engetela kutsindaveta, kambe awule a vengako kutikulisa a na engetelwa masiku.

Mavingu 28:16 Referans Kwoze

Eksodha 18:21

Aniko sawula hagari ka vathu, majaha ale ma ku ni mapimo, va thavako Txizimu, vo lulama, va nyenyanako ni dibhindu do mbi lulama, u txi va emisela kuva vathangeli va 1.000 wa vathu, vathangeli va dizana, vathangeli va mtxhanu wa magumi, ni vathangeli va digumi.

Isaya 3:12

Vaxanisi va vathu vangu mbanana, se vavasikati ngu vona va ku mu ko duketa wukoma. Yowe! Vathu vangu! Ava va mi thangelako, va mi xenga, va mi onhela nzila yi mi tsimbilako ngu yona.

Ekleziyaste 4:1

Msana keto, ni to engeta ni wona sotshe sixaniso si si mahekako hahatshi ka ditambo; se ni to wona mirongo ya vale va xaniswako, ni ya vale va pwatako mthaveleli; kambe mtamo wu ti ti ka didhawa da vaxanisi vawe; aniko vona va si nga ni mthaveleli ni wammweyo.

Nehemiya 5:15

Aniko vafumeli vo khata, avale va nga fuma masoni kwangu, va ti ti nemelisela vathu, va txi va tekela sakudya ni vhinya, hahanze ka mune wa magumi a maxekele a silivhela; hambi vafana vawe va ti ti xanisa vathu; aniko ani kha na maha eto, ngu mhaka yo thava Txizimu.

1 Vafumeli 12:14

Se a to va gelisa tile a nga vhuniswa tona ngu majaha, a txi khene: Tate wangu a nemetisile dikange danu, sekoko ani ni na engetela kambe kunemela ka dikange danu; tate wangu a mi tsayisile ngu ku mi kwapela, aniko ani ni na mi tsayisa ngu tingume.

1 Vafumeli 12:10

Se majaha ale ma nga kula nayo ma to m'gela tiya: Xamulisa tiya ka vathu vale va nga ta kugela ku kha vona: Tate wako a nemetisile ngutu dikange dathu, aniko awe di hehukise kwathu; u na va gela tiya: Litiho langu la lidotho li dhimbile ngutu kupinda txiwunu txa tate wangu!

Amosi 4:1

Engisani mapswi awa anu vavasikati va Bhasani, mi ku mi mangoni ka Samariya, anu mi xanisaka sisiwana, mi khinyavezako vo pwata, migelako vanyamne vanu mi txi khanu: Wuyisani kheno hi sela.

Ekleziyaste 10:16

Dikhombo kwako awe ditiko, mfumeli wako i ku mwanana, vathangeli va dona vadyako ni mixo.

Mavingu 15:27

Wule a ku ni wunavenave, a xanisa m'ti wakwe, aniko awule a nyenyako kupfhuhwa, a na hanya kha kwati.