Mavingu 28:15 - Bhiblia Yo Sawuleka

¹⁵ Kufana ni ngonyamo yo bhonga-bhonga, ni ursu yo pfa nzala, ngu toneto a mahisako tona muonhi wule a khozisako sisiwana.

Mavingu 28:15 Referans Kwoze

Matewu 2:16

Sekoko, ngako Herodha a di woni ti to a kanganyisilwe ngu titxhari, a to henya ngutu, se e rumela kuya dayela votshe vanana va sizambiana va Bhetlehema ni va dotshe ditiko da kona, va tanga ya malembe mambidi ni kuya hahatshi, madingano ni mbimo yi a nga wotisisa ngu yona ka titxhari.

1 Pedro 5:8

Ti pimelani, mi txi ti wonela; nguko Sathani, mlala wanu, wa mi horolokela nga ngonyamo yi yi bhongako, yi txi lava wo m'kakatxula.

Mavingu 20:2

Kuthisa ka mfumeli kufana ni kubhonga ka ngonyamo; awule a mwuselako kuhenya, o lwisa muhefemulo wakwe apune.

Mavingu 19:12

Kuhenya ka mfumeli, kufana ni kubhonga ka txingonyamwana; aniko wunene wakwe wu fana ni mwando txitimwi ka mwasi wo nakanna.

2 Vafumeli 21:16

Kambe kupinda eto, Manasi a theketile ngutu mnoha wa vo mbi na mnandu, wu tata Jerusalema, kukhukhela magwito kala kumwani magwito, eza e onhisa Judha, ngu kumaha wubihi masoni ka Mkoma.

Eksodha 1:22

Sekoko Faro a to layela ka votshe vathu vakwe, a txi khene: “Votshe vanana vavafana va no velekwa va dumwateni mnamboni ka Nilo, aniko, vanana vamahorana va lekeni ve hanya.”

Hoseya 13:8

Nga txikakanka txo mwalalelwa ngu vanana, ni na va mana, ni va bhenula misiha ya timbilu tawe; koneyo ni na va phatulela ku nga ngonyamo; sihari so leva sa txitinga si na va vharulela.

Hoseya 5:11

Efrayime a ha kuxanisekani, ni kukarala ka mialakanyo, nguko a lavile kutsimbila ngu nzila yo biha.

Mavingu 17:12

I txhuko kumanana ni txibanda txo honyolwa vanana, kupinda kumanana ni txiphukuphuku amu ka wuphukuphuku wa txona.

2 Vafumeli 15:16

Sekoko Menayemi a to khundumusa didhoropa da Tifisa, ni votshe vale va nga ti tiho ka dona, a mahisileto nguko didhoropa di sa tumela kukhoza masoni kwakwe; a to va lwisa, se e bhandelela ngu hagari votshe vavasikati vale va nga ti ni sirumbu.

2 Vafumeli 2:24

Se mbimo yile Elixa a nga tshembereka e wona msana, a to va ruketela ditinani ka Mkoma. Sekoko ku to huma singwingwi ngu mu ka txitxhotxhota, si vhandamulela vafana vale va mune wa magumi ni vambidi.

Mavingu 29:2

Mbimo yile va kulako vale vo lulama, vathu va tsaka, se i ti muonhi a tongako, ditiko da xomuleka.

Eksodha 1:13

Se Vaegipta va to thumisa vanana va ka Israyeli ngu tshofu;

Isaya 14:5

Se Mkoma a funyile ndonga ya vakubiha, ni ndonga ya wukoma ya vafumeli.

Isaya 14:6

Ayile va nga ti peka vathu ngu yona ngu txiviti, ngu txiruko txa kwa mbi guma, va txi fumela matiko ngu tshofu, se konkuwa, va tutumiswa, kusina wu a va tsivelako.

Zefaniya 3:3

Vathangeli va dona ndingonyamo ti bhongako hagari ka dona; valamuli va dona maxolwa a mbimo ya minova, ma si siyiko marambu a kutadya mangwana.