Mavingu 28:14 - Bhiblia Yo Sawuleka

¹⁴ A katekile m'thu wule a simamisako ni txithavo; aniko awule a bangisako mbilu yakwe, a na gwitisa ku wa kubihani.

Mavingu 28:14 Referans Kwoze

Mavingu 23:17

Mbilu yako yi nga bavele vaonhi; kukhata ninga txithavo ka Mkoma, otshe masiku.

Masalmo 2:11

Thumelani Mkoma Txizimu ngu txithavo, mi txi mtsakela ngu kudhudhumela.

Isaya 66:2

Nguko dianza dangu di mahile sotshe simaho siya, se sotshe simaha siya si to mahwa, kuwomba Mkoma; aniko wonani awu ni no muwona: Ka txisiwana, ni wule wo xaniseka moyani, kambe a dhudhumelako masoni ka dipswi dangu.

1 Pedro 1:17

Ngako mi m'dhanako tito, “Tata,” ene wule a lamulako m'thu ni m'thu madingano ni mithumo yakwe, hanyani ngu txithavo yotshe mbimo ya kuhanya kwanu.

Jeremiya 32:40

Ni na maha navo txitumelelano txi si gwitelwiko, ati taku kha ni na mbi va tshuralela, ni si leki ku va katekisa; ni veka txithavo txangu timbiluni kwawe, ti taku va si ngadi ve ni tshuralela.

Varoma 11:20

Ngu txona; ma phatutwe ngu ku ambi kholwa; se awe u tsani ngu mhaka ya kukholwa, u nga ti kulise, aniko thava!

Vahebheru 4:1

Ngu toneto, ngako txithembiso txa kuwulela kuhumulani ka Txizimu txi di ngadi tsani, ahi ti woneleni ti to mmwani hagari kwanu asi maneki a di sate msana.

Mavingu 29:1

M'thu wule a ku a txi kawukwa ko tala e ti bangisa msungo, a na phatulwa ngu txikuluveta, asi kalamuki.

Masalmo 112:1

Dhumisani Mkoma! A katekile m'thu wule a thavako Mkoma a dhundako kuvekisa milayo yakwe.

Masalmo 95:8

“Mi nga bangiseni timbilu tanu, kufana ni vakale vanu ditikoni ka Meribha; ku nga ditshiku dile va nga ti txiwulani ka Masa,

Varoma 2:4

Mwendo wo kanyisa kutala ka wunene wa Txizimu, ni kutimisela ka txona, ni kuhonisela ka txona; khu ti zivi ti to wunene wuwa wa Txizimu wu ku ndindela kuya kuhundulukani kani?

Masalmo 16:8

Yotshe mbimo ni na ni Mkoma masoni kwangu; kha ni na mbi dhukiswa ngu txilo, nguko ene a ka didhawa dangu da txinene.

Jobe 9:4

Txizimu txi ni wutxhari mbiluni, txona i nyamitamo ngutu; i mani a nga ti bangisa ka txona, e mana kuthutha kani?

Eksodha 7:22

Kambe titxhari ta Egipta, ni tona, ngu wutxhari wa tona ti to maha nga toneto; mbilu ya Faro yi to banga txima kha va engisa, nga ti Mkoma a nga ti wombile.

Eksodha 14:23

Vaegipta va nga ti valondeta va to wulela ni vona msana kwawe, mahantxhi otshe a Faro, sikotxikani sakwe ni vagadhi vakwe va mahantxhi, kala hagari ka linene.

Varoma 2:5

Kambe ngu kubanga ka mbilu yako, ayi yi si laviko kuhunduluka, wa ti sengeletela txiviti txi u nota txi mana ka ditshiku da txiviti, ahawa ku nota humelela kulamula ku ko lulama ka Txizimu;

Eksodha 7:23

Faro a to tshumela a txi ya nyumbani kwakwe; hambi ka toneto, kha khatala mu mbiluni kwakwe.

Ekleziyaste 8:12

Hambi ku ngako muonhi a txi maha kubiha dizana da sikhati, ni masiku akwe me tala, ani na tiziva ngu ditshuri ti to avale va thavako Txizimu, va na kateka, nguko kuva ve thava masoni ka Txizimu.