Mavingu 28:12 - Bhiblia Yo Sawuleka

¹² Mbimo yile vo lulama va humelelako, ku ni kutsaka ka hombe; aniko ku txi humelela muonhi, vathu va sisala.

Mavingu 28:12 Referans Kwoze

Mavingu 29:2

Mbimo yile va kulako vale vo lulama, vathu va tsaka, se i ti muonhi a tongako, ditiko da xomuleka.

Mavingu 11:10

Didhoropa di tsakisa ku ti ni vo lulama; se ku txi lova vaonhi ku ni kutsaka ka hombe.

Mavingu 28:28

Mbimo yile va kubiha va gulekako, vathu vo sisala, aniko mbimo yile va lovako, vo lulama vo engetekelana.

Jeremiya 36:26

Se mfumeli a to laya tito, Bharuke, m'bhali, ni mprofeti Jeremiya va txi ñolwa ngu Jerameyeli, mwanana wa mfumeli, ni Seraya, mwana Aziriyeli, ni Xelemiya mwana Abdheeli, aniko Mkoma a to va sisa.

Jeremiya 5:1

“Horolokelani ka magondo a Jerusalema; mi xolisisa mi wona amuwa sidingeni; ngako mi txi sikota kumana m'thu, hambi ni wammweyo wu a mahako wululamo, ni kuthembeka, ani ni na divalela dotshe didhoropa.”

Ekleziyaste 10:16

Dikhombo kwako awe ditiko, mfumeli wako i ku mwanana, vathangeli va dona vadyako ni mixo.

2 Makronika 7:10

Ngu ditshiku da magumi mambidi ni masiku mararu, ka mtxima wa wutxhanu ni wumbidi, mfumeli Solomoni a to hangalasa vathu, se va to tsula matendani kwawe, va di tsakile ngutu ta tinene, ngu mahaka ya totshe ta tinene tile Mkoma a nga mahela txithumi txakwe Dhavhidha, ni Solomoni, ni vathu vakwe va Israyeli.

1 Vafumeli 19:3

Mbimo yile a nga muwona a to khukha e tutuma, kasi kuhulukisa wutomi wakwe, eta Bherisebha ka Judha, e ta siya kona mfana wakwe.

1 Vafumeli 18:13

Ina va ngava va sa m'gela nyamne wangu ati ni nga maha, mbimo yile Jezabheli a nga dayela vaprofeti va Mkoma, akule ni nga sisa 100 wa vaprofeti va Mkoma, ngu mtxhanu wa magumi, ni mtxhanu wa magumi ka maphala okari, na ni txi va ninga mapawu ni mati kani?

1 Samuwele 24:11

Wona koko, tata wangu, wona diye tshoka ya txyambalo txako manzani kwangu; nguko ani ni to wila tshoka ya txyambalo, kambe kha na kudaya. Wona koko, u tiziva ti to kha ku na wulala ni wubihi manzani kwangu, ni ti to ani kha na kuonhela; kambe awe wu lavetela kuthavisa wutomi wangu.

Jeremiya 36:19

Sekoko vathangeli va ti kha vona ka Bharuke: Tsula u txi ya sisala, awe ni Jeremiya; mi nga geleni hambi m'thu aho mi nova kona.