Mavingu 28:11 - Bhiblia Yo Sawuleka

¹¹ Nyatithombe a ti wona a di txharihile apune; aniko txisiwana txile txo txhariha, txi na mtumbula.

Mavingu 28:11 Referans Kwoze

Varoma 12:16

Zumbani ngu kuengisana; mi nga naveleni sa kuguleka; kambe sengelani ni va va ti vekako hahatshi; mi nga laveni ku ti maha titxhari mialakanyoni kwanu.

Mavingu 26:16

Txiphukuphuku txi ti wona txi di txharihile ngutu, kupinda mtxhanu wa vavamna ni vambidi vo xamula ta tinene.

Mavingu 18:17

Awule a khatisako kuangula, a nga a maneka ditshurini; aniko a txita mmwani e ta mkaneta.

1 Timoti 6:17

Ka vanyatithombe va ha mafuni muwa, va laye ti to va si ti kulisi, va si veki kuthemba kwawe ka thomba yo mbi tsana, aniko ve themba Txizimu, txi hi wuyiselako sotshe ngu ku hi tatela, kasiku hi tsaka.

Varoma 11:25

Nguko, vanathu, kha ni ti dhundi ti to mi timelelwa ngu msisalo wuwa, kasiku mi si thuki mi txi alakanya ti to mi txharihile: Va ka Israyeli vokari va bangisilwe timbilu, kala kuza ve wulela votshe vamatiko;

Isaya 5:21

Dikhombo ka vale va alakanyako to va txharihile, ni kutithemba kupinda mpimo.

Mavingu 26:5

Xamula txiphukuphuku ngu nzila yo txi komba wuphukuphuku wa txona, kasiku txi si ti woni txi di txharihile.

Mavingu 23:4

U nga ti karatele kuva nyatithombe; ninga wukhalo wo khata wutxhari wako.

Mavingu 19:1

Txisiwana txi txi tsimbilako ka ditshuri da txona txi txhuko, kupinda txiphukuphuku txa txisofu txo tseketsela.

Mavingu 18:11

Didhoropa do tsana da m'thu ngu thomba yakwe, yi fana ni diguma do guleka mu ka mapimo akwe.

Jobe 32:9

Hi nga tanga ya hombe yi ningako wutxhari, kambe hi nga vo kumba va pimisako to lulama.

Mavingu 3:7

U nga ti wone u di txharihile upune; thava Mkoma, kambe hambana ni kubiha.

Mavingu 26:12

Ina u ti nga wona m'thu wo ti wona apune taku a txharihile kani? I txhuko txiphukuphuku kupinda eyo m'thu.