Mavingu 28:10 - Bhiblia Yo Sawuleka

¹⁰ Awule a jikisako vo lulama ve huma e va yisa ka nzila yo biha, ene apune a na wa ka dona diphaledo dakwe; aniko avale va ditshuri va na wuyelwa ngu wunene.

Mavingu 28:10 Referans Kwoze

Mavingu 26:27

Awule a kelako diphala, a na wela ka dona; hambi wule a rindilitako dirigwi, di na gwitisa ku mtxika.

Vagalatiya 2:4

mhaka yiya yi wusilwe ngu va va ti wombako ku mbanathu, na kasi makuhu; evo va ti ko txholovela hagari kwathu ngu kukanganyisa, kasi kumbwingamela kuwona wuthuseki wathu, awu wu tako ngu ka Kristu Jesu, kufela kuve tshumela ve hi wuleta wukhumbini.

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

Mavingu 15:6

Nyumbani ka m'thu wo lulama, kumaneka thomba ya hombe, aniko ka mihando ya muonhi ku ni ku khulumeteka.

Mtuletelo 2:14

Aniko, ni ni sisolo sokari ni lavako ku si womba: U na ni vathu konaho, va londetelako gondo ya Bhalahamu, awu a nga ti gondisa Bhalake kuveka txikhuvekiso masoni ka vanana va Israyeli, kasiku ve dya tinyama ta timhamba ta sikwembu sa walo, ni kumaha wugango.

Ekleziyaste 10:8

Awule a kelako diphala a na wela ka dona, ni wu a dhodako diseta a na lumwa ngu mnyoka.

Mavingu 21:20

Thomba ya yinene ni mafura siho nyumbani ka txhari, aniko wamwamna wo mbi pfisisa wa yi hangalasa.

Mavingu 10:3

Mkoma kha leki dihika da wo lulama difa ngu nzala, aniko kunavela ka wo biha wa kutsivela.

Masalmo 37:11

Aniko avale vo thutha va na mana mafu va na tsaka, ve hanya ngu kudikha.

Masalmo 9:15

Mahedheni ma hujumete ka diphala di ma ngadi kela; litshenga li va nga li riya li va bzwetile mikondo.

1 Samuwele 26:19

Konkuwa koko, na ku kombela awe mfumeli nyamne wangu, ti to u engisa mapswi a txithumi txako: Ngako Mkoma a txi kukurumeta ku ni wukela, a na amukele mningelo wa sakudya; kambe ngako i di vanana va vathu va na ruketelwe masoni ka Mkoma; nguko nyamsi vona va ni tutumisile, kasi ku ni si mani txyavelo txa thomba ya Mkoma, va txi kha vona: Tsula, u ya thumela simwani sizimu.

Vahebheru 6:12

Athu kha hi lavi ku mi txi hinduka mi maha mikara, aniko, londetelani avale va amukelako thomba ya sithembiso ngu likholo ni kutimisela.

1 Pedro 3:9

Mi nga tshumeteleni wubihi ngu wubihi, hambi txiruko ngu txiruko, aniko, kukatekisa nguko ngu toneto mi nga dhanelwa tona, kasi ku mi txi maha vadyi va thomba ya kateko.

Masalmo 57:6

Va riyile txikelemu ve txi veka ha nzilani kwangu moya wangu wu namile; va kete diphala masoni kwangu, aniko ngu vona va nga hojomela ka dona.

Masalmo 139:24

Wona ti to mwendo ni tsimbila ngu nzila yo biha u txi ni tsimbitisa ngu nzila yi ni yisako ka wutomi wo mbi guma.

Mavingu 2:21

Nguko vo lulama va na zumba ha mafuni, ni vale vo thembeka va na zumba ka ona yotshe mbimo.

Mavingu 28:18

Awule a tsimbilako ditshurini a na hanyiswa, aniko awule wa tinzila to biha, a na kuluveta kuwa.