Mavingu 28:1 - Bhiblia Yo Sawuleka

¹ Vaonhi va thava na va sa tutumiswa ngu m'thu; aniko ni wihi wo lulama, a thembekile kufana ni txingonyamwana.

Mavingu 28:1 Referans Kwoze

Dhewuteronome 28:7

Mkoma a na ningela valala vako, vale va no kuwukela, ve dawa masoni kwako; va nata ngu nzila yimweyo kutalwa ni nawe, aniko va nata hangalaka ve thava ngu mtxhanu wa tinzila ni timbidi.

Masalmo 53:5

Vona va na dhudhumela ngu kuthava, kambe ku si nga ho mhaka ya kuthava, nguko Txizimu txi na hangalasa marambu a vale va ku randelako. Awe u na va xula, nguko Txizimu txi va tshuralete.

Masalmo 112:7

Kha kanakani ngako a txi engisa timhaka to biha, nguko mbilu yakwe yi tsani ni kuthemba Mkoma.

1 Vatesalonika 2:2

Aniko, hambiko hi nga thanga ngu kuxaniseka ni kuruketelwa aniya Filipiya, nga ti mi ti zivisako tona, Txizimu txathu txi hi ningile mtamo wa ku mi txhumayela Evhangeli yi yi tako ngu ka txona, hagari ka kulwa ka hombe.

Mithumo 4:13

Sekoko ku ti ngako va txi wona kutsana ka Pedro ni Johani, kuve va ti va ziva ti to mbathu va va nga mbi gonda ni ti to vo va i di vathu dwe, va to tala ngu kuxamala; kambe va ti va ziva ti to mbalondeteli va Jesu.

Mithumo 14:3

Hambi keto, Paulo ni Bharnabhasi va zumbile masiku o tala, ve womba-womba va si thavi txilo ngu kuthemba Mkoma, a nga ti tsanisa dipswi da kateko yakwe ngu kumaha sikombiso ni sidiwukiso ngu manza awe.

Jeremiya 20:4

Nguko Mkoma a khene: “Ni na kumaha txidhukiso txako upune, ni txa maxaka ako otshe; vona va na dawa ngu matxhari a valala vawe, awe wutumbu u na ti wona. Ni na ningela dotshe ditiko da Judha manzani ka mfumeli wa Bhabhilona, a na va yisa kuñolwani Bhabhilona, e va daya ngu ditxhari.

Levhi 26:36

Avale va no huluka hagari kwanu, ni na va tisela dizowa mu timbiluni kwawe; ka mbimo yile mi no va mi di matikoni ka valala vanu, mi na dhuka, ngu kuwa ka dizokoro do oma, mi na thava ku nga mo thava masoni ka ditxhari, mi na wa, mi si tutumiswi ngu m'thu.

Dhewuteronome 28:25

Mkoma a na maha ti to u txi xulwa ngu valala vako, u na huma u txi yalwa ni valala vako ngu nzila yimweyo, kambe u na ya tutuma u txi thava ngu mtxhanu wa tinzila ni timbidi, masoni kwawe! U na va txixamaliso ka mifumo yotshe ya ha mafuni

2 Vafumeli 7:15

Se va to va londisa kala Jordhani, yotshe nzila yi ti ti tate ngu syambalo ni matxhari va nga ti wisetete Vasiriya ngu kuzama txikuluveta, avale vo rumwa va to wuya ve ta zivisa ka mfumeli.

Isaya 7:2

Se va to gela va nyumba ya ka Dhavhidha, va txi kha vona: Siriya a mahile txitumelelano ni Efrayime. Sekoko, mbilu ya Akazi ni timbilu ta vathu vakwe ti to dhudhumela, va txi nga mindonga ya txitinga, yi txi zinginiswa ngu moya.

Eksodha 11:8

Sekoko sotshe sithumi siya sako, si nata si txi ta khizama masoni kwangu, va txi kha vona: Huma, awe ni vathu vako votshe ava va ku lodetako. Ngu msana ka toneto ni na huma ni tsula.” Se Mosi a to khukha masoni ka Faro, na a di henyile ngutu.

Levhi 26:17

Ni na mi tshuralela, kambe mi na xulwa ngu valala vanu; avale va mi vengako va na mi khozisa, se anu mi na tutuma mi txi thava, na mi si tutumiswi.

Nehemiya 6:11

Aniko ni to khani: M'thu wo fana ni nani a nga tutuma kani? I mani a kuho wo fana ni nani, a wulelako dithepeleni e hanya kani? Ngu mamahelo eyo, kha ni na mbi wulela.

Mavingu 27:27

Se ku na maneka masi amangi a tiphongo kasi ku u txi dya, u dyisa mwaya wako, ni kudyisa sithumi sako sa txisikati.

Isaya 30:17

1.000 wa vavamna, va na tutuma, ngu kuviketwa ngu wammweyo, se ku txo viketa va mtxhanu, motshenu mi na tutuma, kala kuza mi lekwa mi di songile nga phande tshokani ka mimango, ni kufana ni m'jeke tximangwanani.

1 Vafumeli 1:49

Sekoko, va to dhudhumela ve khukha votshe vale va nga ti rambilwe, va va nga ti ni Adhoniya; mmwani ni mmwani a to teka nzila yakwe.

Jobe 15:21

Diguwa da tihuwa di tinzeveni kwakwe; hambi mu ko thutha, wata kwakwe mxaseli.

Masalmo 53:6

Oh, idiku kuhanyiswa ka Israyeli ko ta ngu Siyoni! Ngako Txizimu txi txi wuyisa vathu va txona ngu wukhumbini, liveleko la Jakobe li na tsaka, vathu va ka Israyeli va na nengela.

Mavingu 10:9

Awule a tsimbilako ditshurini a tsimbila a di tsani, aniko awule a sanulako tinzila takwe a na tumbulwa.