Mavingu 27:8 - Bhiblia Yo Sawuleka

⁸ M'thu wu a ku kule ni m'tini kwakwe, a fana ni txinyana txo maneka kule ni txisaka txa txona.

Mavingu 27:8 Referans Kwoze

Isaya 16:2

Nguko mahorana a Mowabhi mata mabeloni ka Arinoni, kufana ni sinyana si si purumako, ni mavhondo a ma hangalaswako sisakani ka ona.

Mavingu 21:16

M'thu wule a lekako nzila ya wuzivi, a na maneka a di mtaloni ka vafi.

1 Vakorinto 7:20

M'thu ni m'thu a na zumbise ti a nga dhaniswa tona ngu Txizimu.

Jona 1:3

Se Jona a to khukha e tutuma, a txi ya Tarxixi, kule ni khohe ya Mkoma, se mbimo yile a nga relela eya Jope, a to ya mana txitimela txa mati txi nga ti ti ya Tarxixi, sekoko a to xava dithikithi dakwe, e wulela mndani ka txona, kasi ku a txi tsula navo Tarxixi, kule ni khohe ya Mkoma.

1 Vafumeli 19:9

Se koneyo a to wulela amu ka diphala e otela kona wusikuwo; se dipswi da Mkoma di tile kwakwe di txi ta kha dona: Wo maha txani ahawa kani Elija?

1 Samuwele 22:5

Kambe mprofeti Gadhi a to khene ka Dhavhidha: U nga zumbe mkhokholani; khukha u ya ditikoni da ka Judha. Sekoko Dhavhidha a to khukha eya wulela txitingani ka Herete.

Mavingu 26:2

Kuruka wo mbi na mnandu, kufana ni txinyana ni mbeluvelu si txi puruma-puruma kha kuvhuni txilo.

Genesisi 4:16

Se Kayini a to khukha ngu masoni ka Mkoma, eya zumba ditikoni ka Nodhe, wutxani ka Edheni.

Judha 1:13

i mavimbi o leva a linene; mithumo yawe ya tingana yi pupuma nga diphutu; ndinyeleti to pepuka ati ti nga lulamiselwa txidema txa hombe txo mbi na magwito.

Genesisi 21:14

Sekoko Abrahamu a to wuka ni mixo, e teka sakudya ni txibhembe txa mati e rweka Hagari, se a to m'belekisa mwanana, ngu msana a to mu humisa. Hagari a to huma e pepeseka mu txiwulani ka Bherisebha.

Mavingu 27:7

M'thu wu a nga khura a kandetela ni dihesa da wulombe, aniko ka nyanzale, sotshe so bava sa lombela.

1 Vafumeli 11:22

Sekoko Faro a to mxamula a txi khene: Se u pwata txani kwangu, u lava kukhukha u tsula m'tini kwako kani? Ene a nje khene: Hi nga txilo, hambi keto, ni thuse.