Mavingu 27:20 - Bhiblia Yo Sawuleka

²⁰ Mndiloni ni kutimelani kha si dhuki si khura, hambi ni maso a m'thu kha ma dhuki me kolwa.

Mavingu 27:20 Referans Kwoze

Ekleziyaste 1:8

Sotshe siya sa karalisa ngutu, aha ko khangaho wo a nga sikota kutxhamusela; maso kha ma kolwi ngu kuwona, hambi tinzeve kha ti kolwi ngu kuengisa.

1 Johani 2:16

Nguko sotshe si si kuho ha ditikoni, kunavela ka mmidi, kunavela ka maso ni kutikulisa ngu tithomba, hi nga si si tsakelwako ngu Tate, aniko si tsakelwa ngu vathu va ha ditikoni.

Ekleziyaste 6:7

Wotshe mthumo wa m'thu wu lumba txisofu txakwe, hambi keto, kunavela kwakwe kha ku enelelwi.

Habhakuki 2:5

Kambe ngu ditshuri, ngu kutiningetetela ka vhinya, wa leka mlayo; m'thu wo tikulisa, asi ti vekisiko, a anamisako minavelo yakwe kufana ni dithitha, wa kwa mbi khura kufana ni lifo, wa tshanganisa kwakwe otshe matiko, ni kusengeleta kwakwe votshe vathu.

Ekleziyaste 4:8

Ku ni m'thu mmweyo i ku ekha, kha ku na wa wumbidi; ina, ene kha na mwanana mwendo ndiya; hambi keto, wotshe mthumo wakwe kha wu nga ni magwito, hambi maso akwe kha ma kolwi ngu thomba; kha wombi ku khene: Ni thumela mani ani, ni txi ti tona makatekwa kani? Eto ni tona mbukanganyisi, kambe mthumo wo karata.

Jeremiya 22:17

Aniko maso ako ni mbilu yako si navela dibhindu dwe, ni kutheketa mnoha wa wu asi ngako ni mnandu, u maha ngu kutsindaveta ni timboyinga.

Mavingu 23:5

Ina u nga dhuka u ronokela sa kuva i si nga sa txilo kani? Nguko eso si na ti mahela tibhapi si purumela nzumani kufana ni digama.

Mavingu 15:11

Mndiloni ni kufani ka wonwa ngu Mkoma; kha na kutandeka kuwona timbilu ta vanana va vathu.

Jobe 26:6

Ka Txizimu, mndiloni kuzumba ku di tulekile, aniko kutimelani kha ku nga ni txo fenengela.

Mavingu 27:19

Kufana ni khohe matini yi fanako ni khohe, ngu toneto ni mbilu ya m'thu yi tekelela m'thu wa kona.

Hagayi 1:9

Mi rinzete sasingi, aniko mi mani sa sidotho, ni soneso sa sidotho, mbimo yi mi nga si wuyisa m'tini, ani ni si futetile. Ngu kutxani kani? Kuwombile Mkoma wa Mabutho a Tiyimbi. Ngu mhaka ya nyumba yangu i ku ditshatsha, se mmweyo ni mmweyo wanu a tutumela nyumbani kakwe.

Isaya 5:14

Ngu toneto, dithitha di engetete kunavela ka dona, di asamile txisofu txa dona kupinda mpimo, wudhumo wawe ni vathu vawe, ni kubomba kwawe, ni votshe vale va tsakako va na ngirimela ka dona.